Sabahdan Abşeronda qazilərin müraciətləri üzrə mərkəz fəaliyyətə başlayır
20:11 03 Noyabr 2021
Sabah, noyabrın 4-də Əmək və Əhalinin Sosial Müdafiəsi Nazirliyinin DOST Agentliyinin Abşeron DOST mərkəzində də şəhid ailələri və müharibə əlilləri, habelə Vətən müharibəsində xəsarət almış hərbi qulluqçuların müraciətləri üzrə vahid əlaqələndirmə mərkəzi fəaliyyətə başlayacaq.
Nazirlikdən Femida.az-a bildirilib ki, mərkəzdə Abşeron rayonu və Sumqayıt şəhəri üzrə qeyd olunan kateqoriyalara aid şəxslərə əmək, məşğulluq, sosial müdafiə, tibbi-sosial ekspertiza, reabilitasiya, müalicə, müayinə və s. sahələr üzrə xidmətlər “bir pəncərə”dən, operativ, şəffaf şəkildə, vətəndaş məmnunluğu prinsipi əsasında göstəriləcək.
Prezident İlham Əliyevin 2021-ci il 25 iyun tarixli Fərmanına əsasən yaradılan vahid əlaqələndirmə mərkəzlərində ümumilikdə artıq 21 qurum üzrə (6 mərkəzi, 15 yerli icra hakimiyyəti orqanı) tərəfindən 26 istiqamətdə xidmətlər vahid məkandan təqdim edilir.
Bu il avqustun 23-dən Bakıdakı DOST mərkəzlərində fəaliyyətə başlayan vahid əlaqələndirmə mərkəzlərində ilkin mərhələdə Vətən müharibəsi şəhidlərinin ailə üzvləri, Vətən müharibəsində xəsarət almış hərbi qulluqçular və həmin müharibənin əlillərinin müraciətləri qəbul edilib. Oktyabrın 19-dan isə bu mərkəzlərdə 1-ci Qarabağ müharibəsi şəhidlərinin ailələri və həmin müharibənin əlillərinin müraciətlərinin də qəbuluna başlanıb və onlardan da artıq 222 nəfər qəbul olunub.
Ümumilikdə isə ötən dövrdə vahid əlaqələndirmə mərkəzlərinə 2800-ə yaxın (o cümlədən Çağrı mərkəzi-142 vasitəsilə 224) vətəndaş müraciət edib.
Oxunub: 1122
Oxşar xəbərlər
- Sabahdan güclü külək əsəcək, şimşək çaxacaq, yağış yağacaq - XƏBƏRDARLIQ
- Sabahdan güclü külək əsəcək, şimşək çaxacaq, yağış yağacaq - XƏBƏRDARLIQ
- Sabahdan ali məktəblərə ixtisas seçimi başlayır
- Sabahdan güclü külək əsəcək - XƏBƏRDARLIQ
- Sabahdan ibtidai siniflər üçün 5 günlük yaz tətili başlayır
- Sabahdan qazın istismarı ilə bağlı pozuntuya görə yeni cərimələr tətbiq olunacaq
- Sabahdan Azərbaycanda maska tələbi ləğv edilir
- Sabahdan AZAL və “Buta Airways” Rusiyaya bütün reysləri dayandırır
- Sabahdan COVID pasportu ilə bağlı bu qadağalar tətbiq ediləcək - SİYAHI
- Sabahdan Almatıda "narıncı" terror təhlükəsi səviyyəsi ləğv olunacaq