Lavrov ATƏT sədri ilə Qarabağı müzakirə edəcək
09:59 19 Noyabr 2021
Rusiyanın xarici işlər naziri Sergey Lavrov bu gün Moskvada ATƏT-in fəaliyyətdə olan sədri, İsveçin xarici işlər naziri Ann Linde ilə danışıqlar aparacaq.
Femida.az xəbər verir ki, Linde üçün bu, təşkilatın sədri kimi Rusiya paytaxtına ikinci səfər olacaq. Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, görüşün gündəliyinə ATƏT-in cari işinə dair geniş spektrli məsələlər, o cümlədən bu ilin dekabrın 2-3-nə planlaşdırılan qurumun Xarici İşlər Nazirləri Şurasının iclasına hazırlıq daxildir.
Danışıqlarda Ukrayna və Qarabağdakı vəziyyətlə bağlı fikir mübadiləsi aparılacaq. Nazirlər Dnestryanı münaqişənin nizamlanmasında təşkilata yardım, o cümlədən Cənubi Qafqaz üzrə Cenevrə müzakirələrində ATƏT-in vasitəçiliyi məsələlərini nəzərdən keçirəcəklər.
Rusiya ilə Qərb arasında gərginləşən münasibətlər fonunda nazirlərin Avropa təhlükəsizliyi sahəsində vəziyyəti müzakirə edəcəyi gözlənilir. Xüsusilə, onlar Avropada adi silahlara nəzarət rejiminin bərpası yollarını, gərginliyin azaldılması və Avro-Atlantik məkanda hərbi təhlükənin azaldılması məqsədilə Rusiya ilə Qərb arasında etimad və təhlükəsizliyin yaradılması tədbirlərini nəzərdən keçirəcəklər.
Femida.az
Oxunub: 557
Oxşar xəbərlər
- Avropa Məhkəməsi Ermənistanın növbəti vəsatətini rədd edib
- Prezident İlham Əliyev ATƏT-in sədrini qəbul edib
- ATƏT sədri Azərbaycana səfər edəcək
- Vüqar Səfərlinin vəsatətləri təmin edilməyib
- Ceyhun Bayramov ATƏT-in Baş katibi ilə görüşüb
- ATƏT-in müşahidə missiyasının əməkdaşı Ukraynada öldürülüb
- ATƏT-in qurumları Ukraynada işini davam etdirəcək
- ATƏT sədri Ukraynaya səfər edəcək
- ATƏT Avropada ən yüksək müharibə riski elan edib
- Ceyhun Bayramov: "ATƏT reabilitasiya prosesinə töhfə verə bilər”