Ermənistanın Baş qərargah rəisi həbs ediləcək - KİV
11:29 19 Noyabr 2021
Ermənistanın yeni müdafiə naziri Suren Papikyan hazırda kadr axtarışındadır. Artıq Ermənistan Silahlı Qüvvələrinin Baş qərargah rəisi Artak Davtyanın işdən çıxarılması ilə bağlı siyasi qərar qəbul edilib.
Femida.az xəbər verir ki, bu barədə “Joqovurd” nəşri yazıb.
Məlumata görə, Papikyan Artak Davtyanın yerinə uyğun namizəd tapmadığı üçün hələlik bununla bağlı tədbir görməyə tələsmir. İndi məsələ mümkün namizədlərin nəzərdən keçirilməsi mərhələsindədir.
Qəzet Davtyanın işdən çıxarılması ilə bağlı verilən qərarın iki səbəbini açıqlayıb. Birincisi, Silahlı Qüvvələrin döyüş qabiliyyəti və təşkilatçılıq səviyyəsi qeyri-qənaətbəxş qiymətləndirilir ki, buna görə də birbaşa Baş qərargah rəisi cavabdehdir. İkincisi, Davtyanın adı keçmiş müdafiə naziri David Tonoyan və "silah baronu" David Qalstyanın korrupsiya işində şahid qismində keçir. Lakin tezliklə Davtyanın bu işdəki statusu dəyişəcək və ona ittiham irəli sürüləcək. Silahlı Qüvvələrin Baş qərargahının hazırkı rəisinin həbsi gözlənilir.
Xatırladaq ki, hələ oktyabrın 1-də onun Tonoyanın və Qalstyanın cinayət işi çərçivəsində ittiham oluna biləcəyi barədə məlumat yayılmışdı. Keçmiş müdafiə naziri sentyabrın 30-da istifadəyə yararsız silahların alınması ilə bağlı açılan cinayət işi çərçivəsində həbs edilib. İstintaq Tonoyanı və Qalstyanı 4,6 milyon dollar mənimsəməkdə ittiham edir. Onlar öz günahlarını etiraf etmirlər.
Femida.az
Oxunub: 3702
Oxşar xəbərlər
- Krım körpüsünü partladan yük maşını Ermənistana necə daxil olub?
- Belarus səfiri Ermənistan XİN-ə çağırılıb
- Azərbaycan XİN: "Ermənistan bölgədə vəziyyəti gərginləşdirmək istəyir"
- Hikmət Hacıyev Baydenin köməkçisi və Ermənistan TŞ-ın katibi ilə görüşüb
- XİN: Ermənistanı beynəlxalq öhdəliklərə əməl etməyə çağırırıq
- Zakir Həsənov Ermənistan tərəfindən törədilə biləcək istənilən təxribatın qarşısının alınması üçün tapşırıqlar verib
- Ermənistan tərəfindən açılan atəş nəticəsində Azərbaycanın üç hərbçisi yaralanıb
- Azərbaycan MN: "Ermənistan MN-in yaydığı məlumat tamamilə yalandır"
- Naxçıvanda Ermənistana məxsus PUA zərərsizləşdirilib
- Azərbaycan MN: "Ermənistan silahlı qüvvələrinin canlı qüvvəsi və texnikası böyük itkilər verərək geri çəkilib"