Hərbi ekspert mina təhlükəsi ilə bağlı vətəndaşlara çağırış edib
18:18 23 Noyabr 2021
“Hər şeydən əvvəl insanlarımız məsuliyyətli davranmalıdırlar. Məni ən çox narahat edən məsələlərdən biri Qarabağa getməyə icazəsi olan şəxslərin bir neçə yaxınını özləri ilə aparmasıdır”.
Bunu Femida.az-a açıqlamasında hərbi ekspert, ehtiyatda olan polkovnik Üzeyir Cəfərov deyib.
O qeyd edib ki, bir il ərzində 180 nəfərə yaxın şəxsin minaya düşməsi ciddi göstəricidir: "Bir ildir torpaqlarımız işğaldan azad olunub. Deməli, hər iki günə bir nəfər düşür. Əgər insanlarımız məsuliyyətli davranmasalar, ölüm sayları gələcəkdə daha da arta bilər. Hazırda torpaqlarımızda minadan təmizləmə işləri uğurla davam edir. Yaxın zamanda vaxtı ilə torpaqlarından didərgin düşənlərin yenidən Qarabağa qayıtmalarının şahidi olacağıq. Sadəcə təmkinli olmaq lazımdır. Əgər 28 il səbr etmişiksə, daha bir neçə ay da səbr edə bilərik”.
Üzeyir Cəfərov
Üzeyir Cəfərov
Həmçinin Ü.Cəfərov rus sülhməramlılarının bu sahədəki fəaliyyətinə də toxunub: “Doğrudur, sözügedən bədbəxt hadisələrin çox böyük əksəriyyəti hazırda bizim nəzarətimizdə olan hissədə baş verir. Rusiya hərbçilərinin olduğu ərazilərdə cəmi bir neçə hadisə olub. Bununla belə, sülhməramlılar da məsuliyyət daşımalı, öz işlərini layiqincə yerinə yetirməlidirlər. Xüsusilə gediş-gəlişin qarşısı alınmalıdır ki, minaya düşənlərin sayı artmasın, əlavə problemlər yaranmasın”.
Qeyd edək ki, işğaldan azad edilən ərazilərdə 2020-ci il noyabrın 10-dan cari il noyabrın 22-dək minaya düşmələri nəticəsində əsasən mülki şəxslər olmaqla 180-ə yaxın şəxs həlak olub və ya yaralanıb.
Həmçinin işğaldan azad edilən torpaqlarımızda indiyədək ümumilikdə 10 455 piyada əleyhinə, 4640 tank əleyhinə mina, 12 637 PHS aşkarlanıb. 62 855 782 kv.m (6286 ha) ərazi isə mina və PHS-lərdən təmizlənib.
Oxunub: 500
Oxşar xəbərlər
- Hərbi attaşelər Ermənistanın genişmiqyaslı təxribatı barədə məlumatlandırılıb
- Hərbi liseylərə qəbul imtahanı keçiriləcək
- Hərbi qulluqçumuz VƏFAT ETDİ
- Hərbi qulluqçuların məcburi icbari narkoloji müayinədən keçirilməsinə dair layihə qəbul edilib
- Hərbi Hava Qüvvələrində təlimlər keçirilib
- Hərbi Prokurorluğun nümayəndələri azad edilən ərazilərə gedib
- Hərbi prokurorun müavini vəzifəsindən azad edilib
- Hərbi prokurorluq işçiləri olmayan hərbçilərin maaşı artırılıb
- Hərbi Prokurorluqda kollegiya iclası keçirilib
- Hərbi forma geyinən bu şəxslər cərimə olunacaq