Bakıda metro stansiyalarının tikintisində çıxarılan torpaqlar hara tökülür?
15:33 25 Noyabr 2021
“Bakı Metropoliteni" QSC-nin yeni stansiyalarının tikintisi zamanı çıxarılan torpaqlar paytaxtın müxtəlif ərazilərindəki çökəkliklərə boşaldılır”.
Bunu “Report”a açıqlamasında qurumun Tikinti departamentinin rəisi Məzahir Nəbiyev deyib.
"Həmin əraziləri müvafiq icra strukturları müəyyən edir. Bu gün inşası davam edən, şərti adı “B-4” olan stansiyadan indiyə qədər 30 min kubmetr torpaq çıxarılıb. Ümumilikdə 4 pilləli olacaq stansiyadakı işlərin sonuna qədər bu həcmin 100 min kubmetrə çatacağı gözlənir. Qazıntı zamanı çıxarılan torpaq Qaradağ rayonunun ərazisində - Sədərək və Binə Ticarət Mərkəzlərinin arasında yerləşən göllənmiş çökəkliyə tökülür. Bundan öncə istifadəyə verilən “8 Noyabr” stansiyasının yerindən çıxarılmış torpaq da həmin əraziyə tökülmüşdü. Şəhərin Şərq tərəfində qazıntı işləri apararkən isə qazıntı torpaqları Zığ-Hövsan yolunun üzərindəki çökəkliyə tökülür.
Daha əvvəllər isə qazıntı zamanı çıxarılan materiallar Binəqədi rayonu Baksol yolu ərazisində yerləşən neftlə çirklənmiş ərazilərə daşınırdı. Bütün bunlar üçün isə əraziləri bizə Bakı Şəhər İcra Hakimiyyəti və aidiyyəti rayon icra hakimiyyəti təqdim edir”, - deyə o, qeyd edib.
Ümumi uzunluğu 170 metr olan "B-4" stansiyasının dərinliyi relyefdən asılı olaraq 29-32 metr arasında dəyişir. Stansiyanı "8 Noyabr" stansiyası ilə birləşdirən 1 010 və 1 021 metr uzunluqlarında iki tunel inşa olunub.
Oxunub: 491
Oxşar xəbərlər
- Bakıda yolların yenidən qurulmasına 4,23 milyon manat ayrılıb - SƏRƏNCAM
- Bakıda mənimsəmədə təqsirləndirilən qadının məhkəməsində şahid dindirilib
- Bakıda usta işlədiyi evdə intihar etdi
- Bakıda avtomobil 39 yaşlı kişini vurub
- Bakıda özəl klinikada 46 yaşlı kişi əməliyyatdan sonra ölüb
- Bakıda gecə satlarında atışma: Güllələnən şəxs görün kimdir - VİDEO
- Bakıda və bölgələrdə güclü külək əsəcək - XƏBƏRDARLIQ
- Bakıda avtomobil qadını vuraraq öldürüb
- Bakıda yaşayış binasında yanğın olub, xəsarət alan var
- Bakıda faciə: Ölənlər var