Aİ Azərbaycanın köməyi ilə ərsəyə gələn qlobal layihəyə və İlham Əliyevə dəstəyini ifadə edib
10:23 16 Dekabr 2021
Brüsseldə keçirilmiş Şərq Tərəfdaşlığının (ŞT) 6-cı Zirvə Görüşündə ŞT ölkələri və Avropa İttifaqına üzv ölkələrin qəbul etdiyi birgə bəyannamədə bir daha sübut olundu ki, Avropa İttifaqı Şərq Tərəfdaşlığının bütün tərəfdaş ölkələrinin müstəqilliyi, suverenliyi və beynəlxalq səviyyədə tanınmış sərhədlər çərçivəsində ərazi bütövlüyünə öz dəstəyini ifadə edir.
Femida.az xəbər verir ki, Şərq Tərəfdaşlığı regionunda mehriban qonşuluq münasibətlərinə, etimad quruculuğu tədbirlərinə, regional əməkdaşlığa, nəqliyyat əlaqələrinin gücləndirilməsinə dəstək ifadə olunub.
Qeyd edək ki, bu məqamlar tamamilə Azərbaycanın post-münaqişə gündəliyinə uyğundur.
Şərq Tərəfdaşlığı regionunda münaqişədən əziyyət çəkmiş əhaliyə yardımın vacibliyi qeyd olunur.
Azərbaycanla Avropa İttifaqı arasında yeni ikitərəfli müfəssəl sazişlə bağlı aparılan danışıqlarda əldə edilmiş tərəqqi alqışlanır.
Cənub Qaz Dəhlizi layihəsinin başa çatması alqışlanır. Qeyd olunur ki, Cənub Qaz Dəhlizi Avropaya qaz mənbələrinin və marşrutunun şaxələndirilməsidir.
Bununla da Avropa İttifaqı Azərbaycanın dəstəyi ilə ərsəyə gəlmiş qlobal layihəyə öz dəstəyini ifadə edib.
Sənəddə bütün ölkələrin peyvəndlərdən bərabər səviyyədə istifadə etməsinin vacibliyi qeyd olunur. Bununla da Aİ faktiki olaraq Qoşulmama Hərəkatının sədri, Azərbaycanın dövlət başçısı Prezident İlham Əliyevin “peyvənd millətçiliyi”nə qarşı mövqeyinə dəstəyini ifadə edib.
Azərbaycan bəyannamənin Belarusun daxili işlərinə aid olan bəndinə qoşulmadı. Bununla Azərbaycan bir daha nümayiş etdirdi ki, onun üçün ölkələrin suverenliyinə hörmət, daxili işlərinə müdaxilə edilməməsi qırmızı xəttdir. Azərbaycan insan hüquqları, humanitar məsələlərlə bağlı siyasiləşdirilmiş yanaşmanı, ikili standartları qəbul etmir. Azərbaycan öz dostlarını heç vaxt darda qoymur.
Oxunub: 535
Oxşar xəbərlər
- Aİ Rusiya qızılının ixracına qadağa qoyub
- Aİ Şurası Rusiyaya qarşı yeddinci sanksiyalar paketini təsdiqləyib
- Aİ ukraynalı qaçqınlara dəstək üçün 433 milyon avro ayıracaq
- AİB Ukraynaya əlavə 700 milyon dollar ayıracaq
- Aİ ölkələri Ukraynaya 9 milyard avro məbləğində yardım göstərəcək
- Aİ-92 markalı benzinlə bağlı VACİB XƏBƏR: İyun ayının 1-dən...
- Aİ səfirləri Rusiyaya qarşı altıncı sanksiyalar paketini təsdiqləyib
- Aİ Rusiya neftinə qismən qadağa qoyulması ilə bağlı razılığa gəlib
- Ailə başçısını itirməyə görə əmək pensiyasının təyinatında nəzərə alınacaq müddət artırılır
- Aİ gələn həftə Ukraynaya növbəti hərbi yardımı təsdiqləyəcək