Beş il əvvəl Rusiyada qətl törədən şəxsin məhkəməsi başlayır
10:28 16 Dekabr 2021
Rusiyada ehtiyatsızlıqdan zərərçəkmişin ölümünə səbəb olmaqda təqsirləndirilən Rəşad İsayevin cinayət işi üzrə ibtidai istintaq başa çatıb.
Femida.az-ın xəbərinə görə, işə baxılması üçün Bakı Ağır Cinayətlər Məhkəməsinə göndərilib.
Cinayət işi hakim Rahib Salmanovun icraatına verilib.
Məhkəmənin hazırlıq iclasının vaxtı hələlik məlum deyil.
Qeyd edək ki, 2016-cı il aprelin 3-də İsayev Rəşad Sərdar oğlunun Rusiyanın Lebedyan şəhərində Rusiya vətəndaşı Bessonov Aleksandr Vitaliyeviç ilə aralarında yaranan mübahisə zamanı bıçaqla xəsarətlər yetirməsi və sonuncunun aldığı xəsarətlərdən ölməsi faktına görə cinayət işi başlanıb.
2018-ci il avqustun 14-də R.İsayev Rusiya Cinayət Məcəlləsinin (CM) müvafiq maddəsi ilə qiyabi olaraq təqsirləndirilən şəxs qismində cəlb edilib.
2019-cu il avqustun 21-də cinayət işi istintaqın davam etdirilməsindən ötrü Azərbaycan Baş Prokurorluğuna göndərilməklə cinayət işi üzrə əməl CM-nin 126.3-cü (Qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsinə tövsif edilib.
2021-ci il avqustun 26-da onun barəsində Nərimanov Rayon Prokurorluğu tərəfindən axtarış elan edilib.
Sentyabrın 28-də R.İsayev tutulub, ona yuxarıda qeyd edilən maddə ilə ittiham elan edilərək barəsində həbs qətimkan tədbiri seçilib.
Oxunub: 370
Oxşar xəbərlər
- Beş il əvvəl Rusiyada qətl törədən şəxs Bakıda həbs edilib
- Beş ayda 6 minə yaxın ailə boşanıb
- Beşbarmaq dağında qoruq yaradılır - SƏRƏNCAM
- Beş məntəqədə səsvermənin nəticələri ləğv edilib
- Beş ölkənin XİN başçısı Qarabağ problemini müzakirə edib
- Beşqat dünya çempionu bəraət alıb
- Beş özəl xəstəxanada icbari tibbi sığorta üzrə xidmətlərdən pulsuz istifadə ediləcək - SİYAHI
- Beşinci çağırış Milli Məclisin ən fəal deputatları onlar oldu
- Beşdən çox uşağı olan qadınlara müavinət necə təyin edilir? - Hüquqi YARDIM
- Beş gün dərs olmayacaq