Gələn il faiz dəhlizi parametrlərinə dair qəbul ediləcək qərarların qrafiki açıqlanıb
11:33 30 Dekabr 2021
Faiz dəhlizi parametrlərinə dair qərarlar yenilənmiş makroiqtisadi proqnozlar, xarici və daxili xərc amillərinin inflyasiyaya transmissiyası, inflyasiya gözləntiləri və risk balansının dəyişməsi nəzərə alınmaqla qəbul ediləcək.
Femida.az xəbər verir ki, bu barədə Azərbaycan Mərkəzi Bankının (AMB) “2022-ci il üçün pul və maliyyə sabitliyi siyasətini əsas istiqamətləri barədə” bəyanatında qeyd olunur.
Bəyanatda həmçinin bildirilir ki, bu zaman kontr-tsiklik pul siyasətinin həyata keçirilməsi prinsipi əsas götürüləcək. Faiz dəhlizinin AMB-nin idarə heyətində müzakirəsi əvvəlki illərdə olduğu kimi 2022-ci ildə öncəsdən ictimayyətə açıqlanmış qrafikə uyğun olaraq təşkil edilməsi nəzərdə tutulur.
2022-ci ildə faiz dəhlizinin parametrlərinə dair qərarlar 8 dəfə bu qrafika uyğun ictimayyətə təqdim ediləcək: 28 yanvar, 18 mart, 29 aprel, 17 iyun, 29 iyul, 16 sentyabr, 28 oktyabr və 16 dekabr.
AMB-nin pul siyasəti qərarlarının verilməsi zamanı transmissiya mexanizmindəki fasilələri və xüsusiyyətləri də nəzərə alacaq. Pul siyasəti ilə bağlı qərarların rəal iqtisadi dəyişənlərə (məcmu tələb, istehsal, inflyasiya) təsiri arasındakı zaman fasiləsi bir neçə rübə çəkilə bilir. İqtisadiyyatda struktur dəyişiklikləri ilə bağlı qeyri-müəyyənliklər şəraitində təsir fasiləsi bir qədər də uzana bilər.
"İnflyasiyaya təsir imkanlarını artırmaq üçün pul siyasətinin təkmilləşdirilməsi uznmüddətli dövrdə hibrid inflyasiya hədəflərinməsi rejiminə şərt əsaslı mərhələli keçid strategiyası çərçivəsində həyata keçiriləcək. Bunun üçün ilkin olaraq yeni rejimə keçidlə bağlı zəruri hazırlıq işləri görüləcək, baza şərtlərinin reallaşması başlıca prioritet olacaq", - bəyanatda deyilir.
Oxunub: 770
Oxşar xəbərlər
- Gələn aydan hansı həkimlərin maaşlarının artırılacağı məlum olub - SİYAHI
- Gələn ay bayramlarla əlaqədar 5 qeyri-iş günü olacaq
- Gələn aydan Bakı-Şarm Əl-Şeyx reysi açılır
- Gələn ay Azərbaycanda 9 gün iş olmayacaq
- Gələn həftə şagirdlərin yerdəyişməsi dayandırılacaq
- Gələn il maaş, pensiya və təqaüdlərin nə qədər artacağı məlum olub
- Gələn ildən şəhid övladları Türkiyədə təhsil ala biləcəklər
- Gələn il maaş, pensiya və təqaüdlərin nə qədər artacağı məlum olub
- Gələn ilin Novruz, Ramazan və Qurban bayramı günləri açıqlanıb
- Gələn il 2 milyondan çox insanın sosial ödənişlərində artım olacaq