Gəncədə anasını öldürməkdə təqsirləndirilən şəxsin məhkəməsi başlayır


14:14     30 Dekabr 2021 21_12_30_1640851200.jpg

Gəncədə anasını öldürməkdə təqsirləndirilən Ramin Rüstəmovun cinayət işi üzrə məhkəməsi başlayır.

Femida.az -ın xəbərinə görə, işə baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Elmin Rüstəmovun icraatına verilib.

Məhkəmənin hazırlıq iclası 2022-ci il yanvarın 12-nə təyin edilib.

Qeyd edək ki, hadisə bu il iyulun 24-də Gəncə şəhəri, Məhsəti qəsəbəsində qeydə alınıb.

Belə ki, qəsəbə sakini, 1980-ci il təvəllüdlü Ramin Rüstəmov anası, 1957-ci il təvəllüdlü Svetlana Rüstəmovanı döyərərək ona xəsarət yetirib. S.Rüstəmova hadisədən bir neçə gün sonra - avqustun 7-də ölüb.

Gəncə Şəhər Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

R.Rüstəmov şübhəli şəxs qismində tutularaq istintaqa cəlb edilib.

Açar sözlər:

Oxunub: 457