Neftçalada marketə basqın olub


21:55     19 Yanvar 2022 22_01_19_1642613593.jpg

Neftçala rayonunda marketə basqın edilib.

Femida.az -ın məlumatına görə, ötən gün axşam saatlarında rayonun Bankə qəsəbə sakini, 1980-ci il təvəllüdlü Təhməzov Azad Əbülfəz oğlu şəhər ərazisində yerləşən “Neftçala” market adlı ərzaq mağazasına daxil olaraq satıcılardan nisyə mal istəyib.

Onun istəyini yerinə yetirməkdən imtina edən satıcılara etiraz əlaməti olaraq əlindəki dəmir parçası ilə vitrinləri dağıtmağa başlayıb.

Daxili İşlər Nazirliyinin Mətbuat Xidmətinin Şirvan regional qrupunun baş inspektoru, polis baş leytenantı Nizam Həmidovun bildirdiyinə görə, hadisənin Neftçala rayonu, Bankə qəsəbə sakini, əvvəllər məhkum olunmuş Azad Təhməzov tərəfindən törədildiyini təsdiqləyib.

Həmin şəxs RPŞ-nin əməkdaşları tərəfindən saxlanılıb, araşdırmalar davam etdirilir.

Açar sözlər:

Oxunub: 365