Vətəndaşlara qarşı dələduzluq edən saxta prokurorun məhkəməsi başlayıb
13:33 26 Yanvar 2022
Bakı Ağır Cinayətlər Məhkəməsində dələduzluqda təqsirləndirilən Tural Abasovun cinayət işi üzrə məhkəmə iclası başlayıb.
Femida.az xəbər verir ki, hakim Azad Məcidovun sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.
Məhkəmənin baxış iclası fevralın 2-nə təyin edilib.
Qeyd edək ki, T.Abasov Baş prokuror yanında Korrupsiyaya qarşı Mübarizə Baş İdarəsi tərəfindən saxlanılıb.
İttihama görə, T.Abasov ayrı-ayrı vətəndaşlara özünü qeyd edilən ixtisaslaşdırılmış prokurorluq orqanının əməkdaşı kimi təqdim etməklə guya məhkəmə sistemi, mərkəzi icra hakimiyyəti orqanları və digər bu kimi dövlət qurumlarının yuxarı vəzifəli şəxsləri ilə olan yaxın əlaqələrindən istifadə edərək onların məhkəmə hökmü ilə azadlıqdan məhrum edilən yaxınlarının azadlığa buraxılması, cinayət işi üzrə təqsirləndirilən şəxs barəsində seçilmiş həbs qətimkan tədbirinin dəyişdirilməsi, habelə xəstəliyə və aztəminatlılığa görə müavinət təyin edilməsinə köməklik göstərilməsi adı altında həmin şəxslərə məxsus ümumilikdə 50 min 800 manat məbləğində pul vəsaitini ələ keçirib, bu qanunsuz hərəkətləri ilə vətəndaşları rüşvət verməyə təhrik edib.
Onun barəsində Cinayət Məcəlləsinin 178.2.2 (təkrar dələduzluq), 178.2.4 (xeyli miqdarda ziyan vurmaqla dələduzluq), 310 (vəzifəli şəxsin səlahiyyətlərini mənimsəmə), 32.4,312.2-ci (təkrar rüşvət verməyə təhrik etmə) və digər maddələri ilə ittiham irəli sürülüb.
Oxunub: 556
Oxşar xəbərlər
- Vətəndaşlara qarşı dələduzluq edən saxta prokuror həbs olunub
- Vətəndaşlara ŞAD XƏBƏR: Bu gündən bu sahədə ƏDV-ni geri almaq mümkün olacaq
- Vətəndaşlara külli miqdarda ziyan vuran şəxs Rusiyadan ekstradisiya olunub
- Vətəndaşlara 40 min manatadək ziyan vuran dəstə üzvləri saxlanılıb
- Vətəndaşlara DİN adından saxta SMS-lər gəlir
- Vətəndaşlara 60 min manatdan çox dələduzluq edən şəxsin məhkəməsi başlayır
- Vətəndaşlara pul yardımı ediləcəyi ilə bağlı xəbərlərə rəsmi münasibət
- Vətəndaşlara rəsmi çağırış: İrana getməyin!
- Vətəndaşlara sosial müavinət düzəltmək adı ilə aldadan şəxs saxlanıldı
- Vətəndaşlara ödənişsiz hüquqi yardım göstərilib