Tiflisdə Azərbaycanla bağlı kritik müzakirə
01:40 14 Yanvar 2016
Gürcüstanın baş naziri Giorgi Kvirikaşvili Tiflisdə səfərdə olan SOCAR prezidenti Rövnəq Abdullayevlə görüşüb.
Görüşdə ikitərəfli tərəfdaşlıq və strateji əməkdaşlığın dərinləşdirilməsi məsələləri müzakirə olunub.
G. Kvirikaşvili Azərbaycanın ölkəsinin strateji tərəfdaşı olduğunu vurğulayıb. O qeyd edib ki, siyasi spekulyasiyalara baxmayaraq, Gürcüstan hökuməti SOCAR-la gələcək əməkdaşlıq məsələlərini müzakirə etməyə hazırdır. “Azərbaycan dost ölkədir və bu, çox vacibdir. Biz problemləri həll etmək istəyirik. Hesab edirəm ki, əməkdaşlığımızın inkişafına heç bir texniki maneə ola bilməz", - deyə o bildirib.
Görüşdə Gürcüstanda yay və qış mövsümündə təbii qaz təchizatının balanslaşdırılması ilə bağlı məsələlər də müzakirə edilib. Qış mövsümündə Azərbaycandan Gürcüstana verilən qazın yetərli olmadığını bildirilərək qeyd olunub ki, mövcud boru kəmərlərinin maksimum güclə işləməsi məqsədilə onları əlavə həcmdə təbii qazla təmin etmək üçün bəzi tədbirlər həyata keçirilməlidir. Tərəflər vurğulayıblar ki, bu istiqamətdə işçi format çərçivəsində müzakirələr davam etdiriləcək.
Görüşdə Gürcüstanda 2016-cı ildə tikiləcək yeraltı qaz anbarı layihəsinin tikintisinə SOCAR-ın maraq göstərdiyi də bildirilib. (Apa)
Oxunub: 1058
Oxşar xəbərlər
- Tiflisdə Novruz bayramı qeyd olunub
- Tiflisdə bankdan pul oğurlanıb
- Tiflisdə Cümə məscidində kitabxana yaradılır
- Tiflisdə partlayış
- Tiflisdə Rusiya əleyhinə etiraz aksiyası
- Tiflisdə bayrağımızı təhqir edənlər sərt cəzalandırılacaq
- Tiflisdən qaçan pinqvin - QAZAXDA
- Tiflisdə pələng insanlara hücum etdi: Ölən var
- Tiflisdəki daşqının günahkarı tapıldı - Fotolar
- Tiflisdə ölənlərin sayı 15-ə çatdı