Kanada Rusiyaya qarşı sanksiya tətbiq edir
11:29 23 Fevral 2022
Kanadanın Baş naziri Castin Trüdo Rusiyaya qarşı iqtisadi sanksiyaların birinci mərhələsinin başladığını, Latviyada NATO-nun heyətindəki kanadalı hərbçilərin sayının 460 nəfər artırılacağını elan edib.
Femida.az xəbər verir ki, bunu hökumət başçısı tviterdə yazıb.
“Rusiyanın Ukraynadakı qanunsuz hərəkətləri demokratiyaya hücum və bütün dünyadakı sülhə təhlükədir. Qarışdırmayın, bu, suveren dövlətə qarşı növbəti işğaldır. Müttəfiqlər və tərəfdaşlar ilə koordinasiyada Kanada iqtisadi sanksiyaların birinci raundu ilə cavab verir”, - C.Trüdo vurğulayıb.
Baş nazirin rəsmi saytında dərc olunan məlumata əsasən, sanksiyalar Ukraynadakı qondarma respublikaların tanınmasının lehinə səs verən Rusiya Dövlət Dumasının deputatlarına, Rusiyanın suveren borcu ilə birbaşa və ya dolayı əməliyyatların aparılmasına, Rusiyanın iki nəhəng maliyyə müəssisəsinə şamil ediləcək. Həmçinin Kanada vətəndaşlarının Rusiyanın işğalı altında olan Ukraynanın Donetsk və Luqansk bölgələrində hər hansısa fəaliyyətlə məşğul olması da yasaqlanacaq.
Xatırladaq ki, 2022-ci ilin fevralın 21-də Rusiya Prezidenti Vladimir Putin xalqa müraciətində Ukraynanın Donbas ərazisində yaradılan iki qondarma respublikanı tanıdığını bildirib. O, bununla bağlı fərman imzalayıb.
Qərb ölkələri, o cümlədən Türkiyə və Gürcüstan Rusiyanın bu addımını pisləyib və bunun beynəlxalq hüquqa zidd olduğunu açıqlayıblar.
Azərbaycan daxil olmaqla, BMT üzvlərinin mütləq əksəriyyəti Krım yardımadası və Donbası Ukraynanın ərazisi olaraq tanıyır.
Oxunub: 477
Oxşar xəbərlər
- Kanada Rusiyaya qarşı sanksiyaları genişləndirməyi planlaşdırır
- Kanada Ukraynaya zirehli texnika, Latviyaya yeni hərbçilər göndərəcək
- Kanadada onlarla insan meymunçiçəyinə yoluxub
- Kanada parlamenti Rusiyanın Ukraynada hərəkətlərini soyqırım kimi tanıyıb
- Kanada rusiyalı milyarderlərə qarşı sanksiya tətbiq edib
- Kanada Ukraynaya yeni silahlar göndərəcək
- Kanadada "Omikron"a iki yoluxma aşkar edilib
- Kanadada helikopter qəzaya uğrayıb, 3 nəfər ölüb
- Kanadanın Baş nazirinə Xocalı ilə bağlı çağırış edildi
- Kanadada yaşayan azərbaycanlılar 101 şəhid ailəsini himayəyə götürüb