Moldova Azərbaycan səfirini niyə geri çağırdı?

17:04     29 May 2015

Onlar qeyri-peşəkar olduqları üçün geri çağrılıb

Bu günlərdə Moldovanın eyni anda geri çağırdığı 10 səfir arasında Azərbaycan səfiri İqor Bodyunun da olmasını təcrübəli moldav diplomatları elçilərinin qeyri-peşəkarlığı ilə əlaqələndiriblər.

Femida.az ANS PRESS- ə istinadən verdiyi məlumata görə, yaxın aylarda daha 15 səfirin də geri çağrılması nəzərdə tutulur. Təcrübəli moldav diplomat, Nyu-York Elmlər Akademiyasının üzvü Viktor Borşeviç verdiyi müsahibəsində onların qeyri-peşəkarlığı ilə bağlayıb: “Adətən səfirlərin hamısını birdən dəyişmirlər. Başqa istefalar da nəzərdə tutulur. Bütünlükdə, bizim “səfir heyəti”nin işinin effektivliyi xeyli irad doğurur. Bu oğlanlar və qızlar öz yerlərində nə işlə məşğuldurlar?” - deyə Viktor Borşeviç sual verib.

Məqalədə tanınmış moldav ombudsmeni Aureliya Qriqoriunun Azərbaycana səfəri zamanı səfirliyin göstərdiyi laqeydlik də xatırlanıb. Bakı məktəblərindən birində Azərbaycanda çox sevilən Aureliya Qriqoriunun şərəfinə təntənəli görüş təşkil edilibmiş. Qonağın şərəfinə konsert təşkil edilib, azərbaycanlı uşaqlar moldav və Azərbaycan dillərində mahnılar oxuyublar və bunlar Aureliya Qriqoriunun çox xoşuna gəlib. Uşaqlar moldav xalq geyimləri tikərək geyiniblər.

Açar sözlər:

Oxunub: 595