Yaponiya Rusiyaya zinət əşyalarının ixracına qadağa qoyacaq
13:22 25 Mart 2022
Yaponiya gələn həftənin əvvəlində Rusiyaya zinət əşyalarının ixracına qadağa qoyacaq.
Femida.az xarici KİV-ə istinadən xəbər verir ki, bu barədə Yaponiyanın xarici işlər naziri Yosimasa Hayasi Tokioda keçirilən mətbuat konfransında bildirib.
“Gələn həftənin əvvəlində (Rusiyaya) zinət əşyalarının ixracına da qadağa qoyulacaq. Bundan əlavə, Rusiyanın sanksiyalardan yayınmaması məqsədilə kriptovalyutalar sahəsində qanunvericiliyə dair sənədlər layihəsini parlamentə təqdim etməyə hazırlaşırıq”, - o deyib.
Yosimasa Hayasi digər G7 ölkələri kimi, Rusiyaya qarşı sanksiyaların tətbiqini zəruri hesab etdiyini vurğulayıb.
Xatırladaq ki, daha əvvəl Yaponiya Xarici İşlər Nazirliyi 25 rusiyalı və 81 Rusiya təşkilatına qarşı yeni sanksiyalar paketi tətbiq etdiyini elan edib.
Bununla da Yaponiyanın sanksiyalar siyahısına artıq Rusiya ilə bağlı 101 şəxs və 130 təşkilat daxildir.
Rusiya Xarici İşlər Nazirliyi də bazar ertəsi bildirib ki, Moskva Tokionun bu addımlarına cavab olaraq Yaponiya ilə sülh müqaviləsi bağlamaqdan imtina edir, Yaponiya vətəndaşlarının Kuril adalarının cənubuna vizasız səfərlərini dayandırır və Kuril adalarının cənub hissəsində Yaponiya ilə ortaq təsərrüfat fəaliyyəti qurmaq ilə bağlı dialoqdan geri çəkilir.
Oxunub: 378
Oxşar xəbərlər
- Yaponiya Rusiyaya qarşı sanksiyaları genişləndirir
- Yaponiya İmperatoru Azərbaycan Prezidentini təbrik edib
- Yaponiya Rusiyanın Baş naziri daxil olmaqla 130-dan şəxsə qarşı sanksiyalar tətbiq edib
- Yaponiya sahillərində gəmi yanaraq batıb, ölən, itkin düşənlər var
- Yaponiya səfirliyi Azərbaycana başsağlığı verib
- Yaponiya koronavirusun delta ştamına qalib gəldiyini elan edib
- Yaponiya səfiri Ağdamda yeni bağçanın açılışında iştirak edib
- Yaponiya səfiri Azərbaycan xalqını təbrik edib
- Yaponiya Azərbaycana 1,2 milyon dollar humanitar yardım ayırıb
- Yaponiya ictimaiyyəti Qarabağ münaqişəsi barədə məlumatlandırıldı