Qəbələdə qanunsuz ağac kəsimi ilə bağlı cinayət işi başlanılıb
13:58 28 Aprel 2022
Qəbələdə qanunsuz ağac kəsimi ilə bağlı cinayət işi başlanılıb.
Bu barədə Femida.az-a Baş Prokurorluğun Mətbuat Xidmətindən məlumat verilib.
Bildirilib ki, feysbuk sosial şəbəkəsində “ecofront” adlı səhifədə Qəbələ rayonunun Məmmədağalı kəndində ağacların qanunsuz kəsilməsi ilə bağlı məlumatlar üzrə Baş Prokurorluğun Cinayət təqibindən kənar icraatlar idarəsində araşdırma aparılıb.
Müəyyən edilib ki, Qəbələ Regional Meşə Təsərrüfatı Mərkəzinin Yenikənd meşəbəyliyinin 11 saylı dolayının vəzifəli şəxslərinin Qəbələ rayonu Məmmədağalı kəndi ərazisində bioloji inkişafda olmuş meşə fonduna daxil olan 55 ədəd müxtəlif cinsli və diametrli ağacların qanunsuz kəsilməsi nəticəsində 11 min manat məbləğində ziyan dəyməsi dövlətin qanunla qorunan mənafelərinə mühüm zərər vurulmasına səbəb olub.
Fakt üzrə Cinayət Məcəlləsinin 259.2.4-cü (qanunsuz ağac kəsmə) və 314.1-ci (səhlənkarlıq) maddələri ilə cinayət işi başlanılaraq istintaqın aparılması üçün Qəbələ Rayon Prokurorluğuna göndərilib.
Oxunub: 257
Oxşar xəbərlər
- Qəbələdə bacısı və dayısı oğlunu bıçaqlayan şəxsin cinayət işi məhkəməyə göndərilib
- Qəbələdə tələbə tüfənglə özünü öldürüb
- Qəbələdə meşədə yanğın başlayıb
- Qəbələdə qətlə yetirilən qadının ərinin sevgilisi də tutulub
- Qəbələdə gənc qadını amansızlıqla qətlə yetirməkdə şübhəli bilinən şəxs saxlanılıb
- Qəbələdə bazar yanır
- Qəbələdə 83 yaşlı kişini avtomobil vuraraq öldürüb
- Qəbələdə tanışını qətlə yetirməkdə təqsirləndirilən şəxsin məhkəməsi başlayır
- Qəbələdə evdə yanğın olub, xəsarət alan var
- Qəbələdə toy təşkilatçıları cərimələnib
_1645383471.jpg&h=250&w=400&q=100)
