Çingiz İsmayılov Moskvada dünyasını dəyişib
18:30 28 Aprel 2022
MDB Nəqliyyat Əlaqələndirmə Müşavirəsi icraiyyə komitəsinin sədri, Rusiya nəqliyyat nazirinin sabiq müavini Çingiz İsmayılov Moskvada vəfat edib.
Femida.az xəbər verir ki, 1948-ci ildə Bakıda doğulan Ç.İsmayılov görkəmli İsmayılov-Süleymanovlar dənizçi nəslinin nümayəndəsidir. 1968-ci ildə Bakı Dənizçilik Məktəbini bitirən Çingiz İsmayılov 1975-ci ildə Odessa Ali Dənizçi Mühəndisləri Məktəbindən, 1991-ci ildə isə SSRİ Nazirlər Soveti nəzdində Xalq Təsərrüfatı Akademiyasından məzun olub.
1968-1971-ci illərdə Xəzər Dəniz Gəmiçiliyinin gəmilərində çalışıb, matrosdan kapitanın ikinci köməkçisinədək yüksəlib. 1984-cü ildən Rumıniyada Sovet Dunay Gəmiçiliyi Agentliyinin rəis müavini vəzifəsində çalışıb. 1987-ci ildə Xəzər Dəniz Gəmiçiliyi rəisinin birinci müavini vəzifəsinə təyin edilib.
1997-ci ildən Rusiya Federasiyası Nəqliyyat Nazirliyində çalışmış Ç.İsmayılov 2001-ci ildə nazir müavini təyin olunub.
Çingiz İsmayılov “Əmək rəşadətinə görə” və “Rusiya donanmasının 300 illiyi” medalları, “Rusiyanın fəxri nəqliyyat işçisi” döş nişanı, “Dəniz donanmasının fəxri işçisi” döş nişanı ilə təltif olunub.
Oxunub: 484
Oxşar xəbərlər
- Çingiz Mustafayevin 60 illiyidir
- Çingiz Qənizadənin oğlu Nərimanov prokurorunun müavini təyin edilib
- Çingiz Əsgərov Ramil Səfərovla bağlı qərarı şərh etdi - VİDEO
- Çingiz Hüseynzadə Varşavada sədr seçildi
- Çingiz Mustafayevin doğum günüdür
- Çingiz Mustafayev finala vəsiqə qazandı - “Eurovision 2019”
- Çingiz Abdullayevə “Şərəf” ordeni təqdim edildi
- Çingiz Qurbanovun ailəsi yeni evlə təmin olunub
- Çingiz Mustafayevin ad günüdür