Keçmiş məhkum kənd məscidinin nəzir qutusunu qarət etdi
18:21 16 May 2022
Məscidlərin nəzir qutularını qarət edən Lənkəran sakini saxlanılıb.
Oğru üzünə maska taxaraq kənd məscidinin içərisindəki nəzir qutusunu sındırıb, qutudakı 120 manat pulu götürərək oradan uzaqlaşıb. Hadisə Lənkəranın Tütəpeştə kəndində baş verib. Lənkəran Şəhər Rayon Polis Şöbəsinin əməkdaşlarının keçirdikləri əməliyyat-axtarış tədbirləri ilə həmin şəxsin kimliyi müəyyən edilib və o, “isti izlərlə” saxlanılıb. Araşdırmalarla onun Lənkəran rayon sakini, əvvəllər məhkum olunmuş, hazırda üzərində elektron qolbaq olan Zülfi Nəzərli olduğu müəyyən edilib.
Araşdırmalarla onun digər analoji əməlinin də üstü açılıb.
Məlum olub ki, həmin şəxs Seydəkəran kənd məscidinin qarşısındakı nəzir qutusunu da sındıraraq içərisindəki pulu oğurlayıb.
Şöbənin Liman Polis Bölməsinin əməkdaşlarının keçirdikləri əməliyyat zamanı isə Liman şəhər 2 saylı tam orta məktəbin anbarından ümumi dəyəri 400 manat olan 2 ədəd soba və dəmir barmaqlıları, Nərimanabad qəsəbəsindəki yaşayış evlərindən birinin həyətindən 1 ədəd su nasosunu oğurlamaqda şübhəli bilinən Liman şəhər sakini Rəşad Salayev müəyyən edilərək saxlanılıb. Şəxsi axtarış zamanı ondan narkotik vasitə heroin aşkarlanaraq götürülüb.
Faktlarla bağlı Lənkəran Şəhər Rayon Polis Şöbəsində araşdırma aparılır.
Oxunub: 453
Oxşar xəbərlər
- Ukraynada rəqibini ödürən keçmiş deputat 15 il müddətinə həbs edilib
- Keçmiş məhkum Bakı sakininin bank hesabından 800 manat oğurlayıb
- Moldovanın keçmiş prezidentinin ev dustaqlığının müddəti uzadılıb
- AMEA-nın keçmiş prezidenti vəfat edib
- Keçmiş SSRİ-nin tanınmış aktyoru vəfat edib
- Rusiyanın keçmiş dövlət katibi Gennadi Burbulis Bakıda vəfat edib
- Boliviyanın keçmiş prezidenti 15 il müddətinə həbs oluna bilər
- Bakıda keçmiş bələdiyyə sədri və bacısının məhkəməsi başlayır
- Xırdalanda keçmiş arvadını öldürməkdə şübhəli bilinən kişi tutulub - RƏSMİ
- Masallıda keçmiş məhkumun evindən 5 kq-a yaxın narkotik aşkarlanıb