İslam Partiyasının sabiq sədr müavini tutuldu
21:37 28 Yanvar 2016
Xarici xüsusi xidmət orqanı tərəfindən məxfi əməkdaşlığa cəlb edilən Azərbaycan vətəndaşı həbs edilib.
Dövlət Təhlükəsizliyi Xidmətinin İctimai əlaqələr şöbəsindən Femida.az-a verilən məlumata görə, Dövlət Xidmətinin həyata keçirdiyi istintaq-əməliyyat tədbirləri nəticəsində Azərbaycan Respublikasının vətəndaşı Əhədov İnqilab Xəlil oğlunun xarici xüsusi xidmət orqanı əməkdaşları tərəfindən məxfi əməkdaşlığa cəlb edilərək 2011-ci ildən etibarən mütəmadi olaraq həmin orqan tərəfindən verilən tapşırıqları yerinə yetirməsi və Azərbaycan Respublikasının dövlət təhlükəsizliyi zərərinə casusluq edərək dövlətə xəyanət etməsinə əsaslı şübhələr müəyyən edilib.
Bununla əlaqədar İnqilab Əhədov Dövlət Təhlükəsizliyi Xidmətinin İstintaq Baş İdarəsi tərəfindən aparılan cinayət işi üzrə şübhəli şəxs qismində tutularaq 27 yanvar 2016-cı il tarixdə Azərbaycan Respublikası Cinayət Məcəlləsinin 274-cü (dövlətə xəyanət) maddəsi ilə təqsirləndirilən şəxs qismində cəlb edilib, məhkəmənin qərarı ilə barəsində həbs qətimkan tədbiri seçilib.
Oxunub: 965
Oxşar xəbərlər
- İslam dünyası Qüdsə görə toplanır
- İslamiadada iştirak etmiş sərhədçilərlə görüş keçirilib
- İslamiadanın bağlanış mərasiminə 430 avtobus cəlb edilib
- İslamiada: 7 yarışa yekun vurulur
- İslamiadanın bağlanışına gedənlər üçün – Ən asan yol
- İslamiadanın açılışı zamanı nə qədər sərnişin daşınıb?
- İslam ölkələri üçün ortaq gün təsis edildi
- İslamiadanın açılışında azan oxunacaq
- İslamiadanın qalibləri 100 min manat alacaq - Sərəncam
- İslamiada: Qadın idmançılarımız qalib gəldi