Sumqayıt cüdoçuları ilə görüş keçirilib
00:00 06 Fevral 2016
“Azərkimya” İB-nin akt zalında Sumqayıt cüdo ictimaiyyətinin nümayəndələri, idmançılar, məşqçilər və klub rəhbərlərinin görüşü keçirilib.
Femida.az-ın məlumatına görə, tədirdə Milli Məclisin Sumqayıtdan seçilmiş deputatları Muxtar Babayev və Tahir Mirkişili, Azərbaycan Cüdo Federasiyasının vitse-prezidenti Sadıq Sadıqov iştirak ediblər.
Görüşdə dövlətimizin başçısı, Milli Olimpiya Komitəsinin Prezidenti İlham Əliyevin göstərişi və qayğısı sayəsində bölgələrdə idmanın inkişaf etdirilməsi ilə bağlı görülən işlərdən və gerçəkləşən irimiqyaslı layihələrdən söhbət açılıb. Tədbirdə vurğulanıb ki, Rövnəq Abdullayevin Cüdo Federasiyasına prezident seçilməsindən sonra idmanın bu növündə sürətli inkişaf yaşanır.
S.Sadıqov 2015-ci ilin sentyabr ayında keçirilən konfransdan ötən müddət ərzində görülən işlərdən, həyata keçirilən tədbirlərdən və qarşıda duran vəzifələrdən danışıb. Qeyd olunub ki, bu gün qarşımızda duran ən vacib məsələlərdən biri avqust ayında Braziliyanın Rio-de-Janeyro şəhərində keçiriləcək Yay Olimpiya Oyunlarına lisenziyalar qazanmaq və yarışlarda yüksək səviyyədə təmsil olunmaqla, yeni uğurlara imza atmaqdır.
Bölgələrdə, o cümlədən Sumqayıtda cüdonun inkişafına yeni həyat vermək məqsədilə federasiyada qurum rəhbərinin tapşırığına əsasən xüsusi proqram hazırlandığını vurğulayan S.Sadıqov yeni rəhbərliyin ciddi nəzarəti və idmanın bu növünün inkişafına yaxından dəstəyi nəticəsində mövcud problemlərin qısa müddət ərzində aradan qaldırılacağını söyləyib.
Maraqlı diskussiya şəraitində keçən tədbirdə M.Babayev, S.Sadıqov, T.Mirkişili idmançıları və KİV nümayəndələrini maraqlandıran sualları cavablandırıblar.
Sonda şəhərin idman ictimaiyyətinin nümayəndələri maraqlı görüş üçün tədbirin təşəbbüskarlarına minnətdarlıqlarını ifadə ediblər.
Oxunub: 911
Oxşar xəbərlər
- Sumqayıt sakini bıçaqlanıb
- Sumqayıtda yataqxana yandı
- Sumqayıtda əməliyyat - Tutulanlar var
- Sumqayıtda top mərmisi tapıldı - FOTO
- Sumqayıtda zavodda dəhşətli hadisə - Ölən və yaralanan var
- Sumqayıtda avtomobil qadını vurdu
- Sumqayıta 9 milyon manat ayrıldı - Sərəncam
- Sumqayıtda YAP-ın yeni binası açılıb
- Sumqayıtdakı qəza ilə bağlı - Rəsmi məlumat
- Sumqayıtda öldürülən iki qadınla bağlı açıqlama