ASAN Xidmət Göygöldə
21:46 08 Fevral 2016
Səyyar ASAN Xidmət Göygöl rayonunda yerli sakinlərə xidmət göstərir.
Femida.az xəbər verir ki, rayon sakinləri 10 fevral tarixinə qədər Səyyar ASAN-ın xidmətlərindən yararlana biləcəklər.
Xidmətlər Ədliyyə Nazirliyi, Daxili İşlər Nazirliyi, Dövlət Sosial Müdafiə Fondu və Əmlak Məsələləri Dövlət Komitəsi tərəfindən təqdim olunur.
Əhaliyə göstəriləcək xidmətlərə notariat fəaliyyəti, vətəndaşlıq vəziyyəti aktlarının dövlət qeydiyyatı, şəxsiyyət vəsiqələrinin verilməsi və dəyişdirilməsi, ümumvətəndaş pasportlarının verilməsi və dəyişdirilməsi, sürücülük vəsiqələrinin dəyişdirilməsi, əmək pensiyalarının təyin edilməsi, mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi, daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi və fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi daxildir.
Bildirilir ki, səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin ediməsi və vətəndaş məmnunluğuna nail olunmasıdır.
Oxunub: 647
Oxşar xəbərlər
- ASAN Radio 2 yaşında
- ASAN və ISESCO arasında Anlaşma Memorandumu imzalanıb
- ASAN-çıların sayı artırılıb
- ASAN könüllüləri “ASAN Radio”nun qonağı oldu
- ASAN könüllüləri İcra Hakimiyyətində təcrübə keçirlər
- Asan pul qazanmağın yolu – Onlayn ticarətin üstünlükləri
- ASAN könüllüləri vətəndaşlara hüquqi yardım göstərdi
- ASAN Könüllüləri Cocuq Mərcanlıda
- ASAN könüllülərindən uğurlu layihə - FOTOLAR
- ASAN Xidmət turistlərə viza verəcək