Qanun pozan vergi ödəyicilərinin sayı - Açıqlandı
00:58 03 İyun 2015
2015-ci ilin may ayı ərzində Azərbaycanda vergi orqanları tərəfindən keçirilmiş tədbirlər zamanı 5 325 vergi ödəyicisində qanunvericiliyin pozulması faktları aşkarlanıb.
Femida.az-ın Vergilər Nazirliyinə istinadən məlumatına görə, 1 186 vergi ödəyicisi tərəfindən qanunla nəzərdə tutulmayan valyutanın ödəniş vasitəsi kimi qəbul olunduğu, valyutanın ticarət, iaşə və xidmət müəssisələrində qanunsuz olaraq alınıb-satıldığı və ya dəyişdirildiyi, 392 vergi ödəyicisinin vergi orqanlarında uçota durmadan fəaliyyət göstərdiyi, 845 vergi ödəyicisinin xüsusi razılıq (lisenziya) tələb olunan fəaliyyət növləri ilə belə razılıq (lisenziya) almadan məşğul olduğu müəyyən edilib.
Hesabat dövründə 256 vergi ödəyicisi tərəfindən 535 nəfər fiziki şəxsin əmək müqaviləsi bağlamadan işə cəlb edildiyi, 254 vergi ödəyicisi tərəfindən fərqlənmə nişanı olmadan avtomobil nəqliyyatı ilə sərnişin daşındığı, 54 vergi ödəyicisində aksiz markaları ilə müvafiq qaydada markalanmamış mallar olduğu aşkarlanıb.
Aşkar edilmiş nöqsanlarla bağlı qanunamüvafiq tədbirlər görülüb.
Oxunub: 634
Oxşar xəbərlər
- Qanunsuz ağac kömürü satanlar cərimələndi
- Qanunsuz tikinti aparanlara qarşı ciddi tədbirlər görüləcək
- Qanunsuz miqrantların sayı minimuma enib
- Qanunsuz kömür istehsalının qarşısı alınıb
- Qanunsuz kömür hazırlayanlar cərimələnəcək
- Qanunsuz dərman satan həbs edildi
- Qanunsuz ovla məşğul olanlar tutulub
- Qanunu pozanlar 23307 manat cərimələnib
- Qanunsuz ov edən şəxslər saxlanıldı
- Qanunsuz sahibkarlıq faktları aşkarlanıb