Hüseyn Bağırov vətəndaşları qəbul edib
15:11 25 Fevral 2016
Ekologiya və təbii sərvətlər naziri Hüseyn Bağırov Neftçala şəhərində vətəndaşları qəbul edib.
Femida.az xəbər verir ki, nazir Neftçala şəhəri Heydər Əliyev Mərkəzində Neftçala, Salyan, Biləsuvar və Cəlilabad rayonlarında yaşayan vətəndaşların qəbulunu keçirib. Qəbulda ətraf mühitin və ekoloji tarazlığın mühafizəsi, meşələrin qorunması, biomüxtəliflik, hidrometeorologiya, geologiya, ətraf mühitin monitorinqi, artezian quyuların çıxan suların təmizlənməsi, balıqların ovlanması zamanı qaydalara riayət olunması və s. məsələlərlə bağlı vətəndaşların şikayət və təklifləri dinlənilib, müraciətlərinə baxılıb.
Nazir şikayətlərin diqqətlə araşdırılması və qaldırılan məsələlərin qanunvericiliyə uyğun qısa müddət ərzində araşdırılaraq zəruri tədbirlərin görülməsi barədə aidiyyəti struktur bölmələrinin rəhbərlərinə müvafiq tapşırıqlar verib. Eyni zamanda, vətəndaşlar tərəfindən verilən müxtəlif təkliflər qeydə alınıb, qaldırılmış problemlərin əksəriyyəti yerindəcə həll olunub, digər müraciətlər araşdırılmaq üçün nəzarətə götürülüb.
Ekologiya və Təbii Sərvətlər Nazirliyinin fəaliyyət dairəsinə aid olmayan məsələlərlə əlaqədar müraciətlər isə aidiyyəti qurumlara çatdırılması üçün qeydiyyata alınıb.
Qəbulda 40-a qədər vətəndaş iştirak edib.
Oxunub: 1378
Oxşar xəbərlər
- Hüseyn Cavidin yubileyi keçiriləcək
- Hüseyn Bağırov Yardımlıda qəbul keçirəcək
- Hüseyn Əlixanov BQXK nümayəndə heyətini qəbul edib
- Hüseyn Bağırov vətəndaşlarla görüşəcək
- Hüseynbala Mirələmovun vəziyyəti stabildir
- Hüseyn Cavid prospekti də rənglənəcək
- Hüseyn Bağırov Ağdamda vətəndaşlarla görüşüb
- Hüseyn Bağırov şöbə müdirlərinə xəbərdarlıq etdi
- Hüseyn Bağırov Şirvanda vətəndaşlarla görüşüb
- Hüseyn Cavid prospektində piyada keçidi tikilir