Nardaranlılara 2 milyon ödənildi
22:59 25 Fevral 2016
Bakının Sabunçu rayonu, Nardaran qəsəbəsində sökülən obyektlərə görə 30 nəfərə yaxın qəsəbə sakininə 2 milyon manatadək kompensasiya verilib.
Bu barədə Femida.az-a Azəryolservis Açıq Səhmdar Cəmiyyətinin (ASC) mətbuat katibi Anar Nəcəfli bildirib.
Onun sözlərinə görə, kompensasiya verilməsinin növbəti mərhələsi Maliyyə Nazirliyinin vəsait ayırmasından sonra davam etdiriləcək:
"Hazırda obyekti sökülən sakinlərin sənədləşmə işləri aparılır. Bu müddət ərzində Maliyyə Nazirliyi 7 milyon manat vəsait ayıracaq, həmin pul da mərhələli şəkildə qəsəbə sakinlərinə ödəniləcək".
Qeyd edək ki, Nardaranın Abşeron küçəsində siyahıyaalmada yolun tikintisinə düşən 96 təsərrüfat obyekti qeydə alınıb. Siyahıya alınan 96 təsərrüfat obyektindən 21-i yaşayış evidir. Həmin obyektlərin 1 kv.m üçün 100-400 manat məbləğində kompensasiya verilməsi nəzərdə tutulub. Yaşayış evləri üçün 1 kv.m üçün 400 manat ödənilir.
Oxunub: 939
