“ASAN xidmət” prezidentin sərəncamını icra etdi
20:31 05 İyun 2015
Azərbaycan prezidentinin 10 sentyabr 2014-cü il tarixli “Cənubi Qafqaz Boru Kəmərinin genişləndirilməsi layihəsi ilə əlaqədar torpaq sahələri və digər daşınmaz əmlak obyektləri üzərində hüquqların əldə edilməsi prosesinin daha səmərəli təşkili ilə bağlı tədbirlər haqqında” Fərmanından irəli gələn məsələlərin icrası yekunlaşıb.
“ASAN xidmət” mərkəzindən Femida.az-a verilən məlumata görə, Azərbaycan təbii qazının dünya bazarına nəqli ilə əlaqədar Cənub Qaz Dəhlizinin fəaliyyətinin təmin edilməsi, habelə Cənubi Qafqaz Boru Kəmərinin genişləndirilməsi layihəsinin yerinə yetirilməsi zamanı müvafiq torpaq sahələrinə və digər daşınmaz əmlak obyektlərinə dair mülkiyyət, istifadə və icarə hüquqlarının əldə edilməsi prosesi ilə bağlı bir sıra xidmətlərin operativlik, şəffaflıq, nəzakətlilik, məsuliyyət və rahatlıq prinsipləri əsasında həyata keçirilməsinin təşkili məqsədi ilə artıq zəruri addımlar atılıb.
20 sentyabr 2014-cü il tarixindən 20 may 2015-ci il tarixinədək Səyyar ASAN xidmət çərçivəsində 12 rayonda (Abşeron, Hacıqabul, Kürdəmir, Ağsu, Yevlax, Ağdaş, Ucar, Goranboy, Samux, Şəmkir, Tovuz, Ağstafa) ümumilikdə 5497-dən çox vətəndaşa 15770 xidmət göstərilib. Səyyar şəkildə göstərilən xidmətlər Azərbaycanın Ədliyyə Nazirliyi, Milli Arxiv İdarəsi, Daxili İşlər Nazirliyi və Əmlak Məsələləri Dövlət Komitəsi, həmçinin yerli icra hakimiyyəti orqanları və bələdiyyələr tərəfindən həyata keçirilib.
Səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.
Oxunub: 993
Oxşar xəbərlər
- “ASAN xidmət”ə 19 milyonuncu müraciət — FOTO
- “ASAN xidmət” işçilərinin peşə bayramı günü təsis edildi
- “ASAN xidmət” korrupsiyaya qarşı ən səmərəli vasitədir - Prezident
- “ASAN xidmət”də işləmək istəyənlərin nəzərinə!
- “ASAN Akademiya - 2017”yə start verildi
- “ASAN Məktub” Masallıda - FOTOLAR
- “ASAN peşə” üzrə sənəd qəbulu başa çatdı
- “ASAN viza”nın imkanları araşdırılıb
- “ASAN peşə”yə sənəd qəbulu davam edir
- “ASAN peşə” layihəsi üzrə sənəd qəbulu başladı