Jurnalistlər üçün müsabiqə elan edildi
23:28 03 Mart 2016
Azərbaycan Respublikası Mədəniyyət və Turizm Nazirliyi və Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun birgə təşkil etdiyi fərdi jurnalist yazıları müsabiqəsi elan edilib.
Nazirlikdən Femida.az -a verilən məluma görə, müsabiqə “Azərbaycan – multikulturalizm məkanı: BMT Sivilizasiyalar Alyansının VII Qlobal Forumu ölkəmizə nə vəd edir?” mövzusunda olacaq.
Müsabiqənin məqsədi Azərbaycanın multikulturalizm sahəsində çoxəsrlik uğurlu təcrübəsinin araşdırılması və BMT-nin Sivilizasiyalar Alyansının VII Qlobal Forumunun Bakıda keçirilməsinin ölkəmiz üçün əhəmiyyətinin yerli və beynəlxalq ictimaiyyətə çatdırılmasında peşəkar jurnalist əməyini stimullaşdırmaqdır.
Müsabiqə elan olunan günədək ən azı bir il müddətində kütləvi informasiya vasitələrində (qəzet, jurnal, informasiya agentlikləri) fasiləsiz çalışan şəxslər müsabiqədə iştirak edə bilərlər.
Müsabiqədə I yer (1000 manat) üçün bir, II yer (800 manat) üçün iki, III yer (600 manat) üçün üç yazı qalibinin mükafatlandırılması nəzərdə tutulub. Bundan əlavə, 5 yazı müəllifinə həvəsləndirici mükafat (200 AZN) veriləcək.
Ətraflı məlumatı nazirliyin rəsmi saytından (mct.gov.az) əldə etmək olar.
Oxunub: 921
Oxşar xəbərlər
- Jurnalistlər üçün növbəti yazı müsabiqəsi
- Jurnalistlərin karnavalı oldu – VİDEO
- Jurnalistlərlə deputatlar futbol oynayacaq
- Jurnalistlər üçün müsabiqə
- Jurnalistlərin olduğu helikopter gölə düşüb
- Jurnalistlər üçün daha bir müsabiqə
- Jurnalistlər üçün təlim keçirilib
- Jurnalistlər banklara müraciət etdi: Əksəriyyətini ancaq pul maraqlandırır
- Jurnalistlər mükafatlandırıldı
- Jurnalistlərin binasında bu xidmət pulsuz olacaq