Goranboyda silah-sursat tapıldı
13:00 06 Mart 2016
Goranboy rayonunda xeyli sayda sursat aşkarlanıb.
Femida.az xəbər verir ki, bu barədə məlumatı APA-ya rayonun Kələk kənd sakinləri bildiriblər. Onlar qeyd ediblər ki, kəndin yaxınlığında 50-ə yaxın müxtəlif tipli mərmilər və döyüş başlıqları aşkarlanıb. Onların arasında partlamamış sursatlar da var.
Dərhal Goranboy Rayon Polis Şöbəsinə məlumat verilib. Məlumata görə, hazırda polis sursatların olduğu ərazini nəzarətə götürüb. Aşkar olunan sursatların zərərsizləşdirilməsi üçün ANAMA-ya (Azərbaycan Respublikasın Ərazilərinin Minalardan Təmizlənməsi üzrə Milli Agentlik) da məlumat verilib. Kənd sakinləri ehtimal edirlər ki, sursatı kəndin yaxınlığına metal toplayan şəxslər atıb.
Qeyd edək ki, ötən gün rayonun Xınalı kənd sakini, 1970-ci il təvəllüdlü Rauf Hüseynov metal tullantılarını yığan zaman partlamamış döyüş sursatı – mərmi aşkarlayıb. Onu özünə məxsus QAZel markalı avtomobildə zərərsizləşdirmək istəyərkən partlayış baş verib. R. Hüseynov müxtəlif qəlpə yaraları ilə Gəncədə yerləşən xəstəxanaların birinə yerləşdirilib.
Oxunub: 702
Oxşar xəbərlər
- Goranboyda ağır yol qəzasında iki nəfər ölüb
- Goranboyda mikroavtobus aşıb, 24 nəfər xəsarət alıb
- Goranboyda mikroavtobus aşıb, 15 nəfər xəsarət alıb
- Goranboyda avtomobil aşıb, xəsarət alanlar var
- Goranboyda avtomobillər toqquşub, ölən var
- Goranboyda silah-sursat aşkarlanıb
- DİN Goranboyda məktəbə narkotik alüdəçilərinin toplaşdığı iddialarına münasibət bildirib
- Goranboyda 2 qadını bıçaqlamaqda şübhəli bilinən şəxs saxlanılıb
- Goranboyda avtomobil aşıb, sürücü ölüb
- Goranboyda direktoru iş otağında qətlə yetirən şəxsin ibtidai istintaqı yekunlaşıb
