Mübariz Qurbanlı səfirlə görüşdü
22:32 07 Mart 2016
Azərbaycanın Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı Hindistan səfiri Sanjay Rananı qəbul edib.
Komitənin mətbuat xidmətindən Femida.az-a verilən məlumata görə, M. Qurbanlı Azərbaycan və Hindistan arasında siyasi, iqtisadi, mədəni, humanitar və digər sahələrdə əməkdaşlığın inkişaf etdiyini deyib. Dövlət Komitəsinin fəaliyyəti barədə qonağa ətraflı məlumat verən M. Qurbanlı tarix boyu Azərbaycan ərazisində etnik və dini icmalar arasında möhkəm dostluq və qardaşlıq əlaqələrinin olduğunu, milli, irqi, dini ayrı-seçkiliyə yol verilmədən müxtəlif dinlərə mənsub insanların sülh və əmin-amanlıq şəraitində fəaliyyət göstərdiklərini bildirib. O qeyd edib ki, Azərbaycanda dövlət-din münasibətləri mükəmməl formada qurulub, dövlət tərəfindən İslam və qeyri-islam dini icmalara mütəmadi olaraq maliyyə yardımı edilir.
Komitə sədri bildirib ki, prezident İlham Əliyevin müvafiq sərəncamı ilə 2016-cı ilin “Multikulturalizm ili” elan edilməsi, eləcə də həyata keçirilən bütün bu işlər multikulturalizmin dövlət siyasətində prioritet istiqamət olmasının göstəricisidir. Bu ilin “Multikulturalizm ili” elan edilməsində məqsəd ölkədə formalaşmış bu ənənələri daha da inkişaf etdirməkdir.
Azərbaycandakı multikultural və tolerant mühitin, burada müxtəlif dinlərin, mədəniyyətlərin, dillərin nümayəndələrinə bərabər münasibətin göstərildiyinin şahidi olduğunu deyən səfir, din sahəsində də qarşılıqlı əməkdaşlıqdan məmnun qalacaqlarını diqqətə çatdırıb.
Oxunub: 513
Oxşar xəbərlər
- Azərbaycan dünyada koronavirusla mübarizədə ön sıralarda qərarlaşıb
- ABŞ dünya ictimaiyyətini meymunçiçəyi ilə mübarizə aparmağa çağırır
- İsveç terrorla mübarizə qanununu sərtləşdirəcək, terrorçuları Türkiyəyə təhvil verəcək
- COVID-19-la mübarizədə iştirak edən tibb işçilərinin maaşlarına əlavənin verilmə müddəti uzadılıb
- Korrupsiyaya qarşı Mübarizə Baş İdarəsi əməliyyat keçirib, idarə rəisi saxlanılıb
- Azərbaycanda narkotiklərə və psixotrop maddələrə qarşı mübarizə sərtləşdirilir
- DTX-nin rəis müavini: "Kibertəhlükə ilə mübarizədə birgə fəaliyyətə ehtiyac var"
- COVID-19-la mübarizədə iştirak edən tibb işçilərinin maaşlarına əlavənin verilmə müddəti uzadılıb
- Baş Mütəşəkkil Cinayətkarlıqla Mübarizə İdarəsi silahlı şəxslərə qarşı əməliyyatlar keçirib
- Baş Mütəşəkkil Cinayətkarlıqla Mübarizə İdarəsi əməliyyat keçirib, saxlanılanlar var