Baş nazir Qətər əmiri ilə görüşüb
01:01 09 Mart 2016
Martın 8-də Azərbaycan Respublikasının Baş naziri Artur Rasizadə ölkəmizdə rəsmi səfərdə olan Qətər Dövlətinin Əmiri Şeyx Təmim bin Həməd Al Tani ilə görüşüb.
Görüşdə Azərbaycan ilə Qətər arasında mövcud olan dostluq münasibətlərinin uğurla inkişaf etdiyi vurğulandı, siyasi, iqtisadi, mədəni sahələrdə tərəfdaşlığın səmərəli nəticələr verdiyi məmnunluqla qeyd olundu.
Bu səfərin və keçirilmiş görüşlərin ölkələrimiz arasında əlaqələrin inkişafına töhfə verəcəyinə əminliyini söyləyən Baş nazir Artur Rasizadə siyasi əlaqələrin yüksək səviyyədə olduğunu, iqtisadi imkanlardan səmərəli istifadə etməyin zəruriliyini bildirdi.
Ermənistan-Azərbaycan, Dağlıq Qarabağ münaqişəsinə toxunan Baş nazir Artur Rasizadə problemin beynəlxalq hüquq normaları çərçivəsində, Azərbaycanın ərazi bütövlüyü və sərhədlərinin toxunulmazlığı prinsipləri əsasında həllinin vacibliyini diqqətə çatdırdı.
Qətər Dövlətinin Əmiri Şeyx Təmim bin Həməd Al Tani ölkələrimiz arasında əlaqələrin, xüsusilə də iqtisadi sahədə əməkdaşlığın genişlənəcəyinə ümidvar olduğunu bildirdi.
Görüşdə qarşılıqlı maraq doğuran məsələlər ətrafında fikir mübadiləsi aparıldı.
Oxunub: 1102
Oxşar xəbərlər
- Baş Prokurorluqda əməliyyat müşavirəsi keçirilir
- Baş prokuror vətəndaşlarla görüşdü
- Baş nazir: “Tramp həddini aşdı” - Qüds böhranı böyüyür
- Baş Prokurorluğun məlumatı
- Baş prokuror vətəndaşları qəbul edəcək
- Baş Prokurorluq və DİN dəhşətli qətllə bağlı birgə məlumat yayıb
- Baş Qərargahı rəisinin müavini işdən qovuldu
- Baş Prokurorluq 17 yaşlı uşaqla bağlı xəbərləri təkzib etdi
- Baş Prokurorluğun nümayəndəsi beynəlxalq tədbirdə iştirak edib
- Baş bankir manatdan danışdı