Nardaran hadisələri ilə bağlı məhkəmə prosesləri başlayıb
19:55 30 Mart 2016
Sabunçu rayon Məhkəməsində Nardaran hadisələri ilə bağlı saxlanılan şəxslərdən bəzilərinin cinayət işi üzrə məhkəmə prosesləri başlayıb.
APA-nın məlumatına görə, saxlanılanlardan 20-dən çox şəxsin cinayət işi üzrə ayrı-ayrılıqda məhkəmə prosesləri keçirilir. Hazırlıq iclaslarında təqsirləndirilən şəxslərin anket məlumatlar dəqiqləşdirilib. Məhkəmələrin baxış iclasları aprel ayının müxtəlif günlərinə təyin edilib.
Qeyd edək ki, bir müddət əvvəl 20-dən çox şəxsin barəsində olan cinayət işi digərlərindən ayrılaraq, baxılması üçün Sabunçu rayon Məhkəməsinə göndərilib. İstintaqı başa çatan şəxslər əsasən, Nardaran sakinlərdir. Onlar Cinayət Məcəlləsinin 228-ci (qanunsuz olaraq odlu silah saxlama) maddəsinə əsasən ittiham olunurlar.
Qeyd edək ki, ötən il noyabrın 26-da Daxili İşlər Nazirliyi (DİN) tərəfindən Nardaranda əməliyyat keçirilib. Əməliyyat zamanı polis əməkdaşlarına silahlı müqavimət göstərilərək avtomat silahlardan atəş açılıb, əl qumbarası atılıb. Hücum edənlərin davamlı atəşinə cavab olaraq xüsusi əməliyyat qrupu tərəfindən xidməti silahdan istifadə edilməklə həmin şəxslərdən 4 nəfəri məhv edilib, daha bir neçə nəfəri yaralanıb. Başlanılan cinayət işi üzrə 70 nəfər saxlanılıb. Hazırda 50 nəfərdən çox şəxsin cinayət iş üzrə ibtidai istintaq davam etdirilir. Onlar Cinayət Məcəlləsinin 18 maddəsi üzrə ittiham olunurlar. Əməliyyat zamanı 2 polis əməkdaşı həlak olub.
Oxunub: 1285
Oxşar xəbərlər
- Nardaran ən yüksək rabitə və internetlə təmin olunacaq
- Nardaranda narkotik plantasiyası tapıldı
- Nardaran hadisələrinə görə təqsirləndirilən son söz dedi
- Nardaran hadisələrinə görə həbs edilmiş 4 nəfər azadlıqda
- Nardaran hadisələrinə görə həbs edilən 14 nəfər azadlıqda
- Nardaran sakinindən nümunəvi addım
- Nardaranda 22 yaşlı qız yoxa çıxıb
- Nardaran sakininin şikayəti təmin edilməyib
- Nardaranlıların məhkəməsi: Hakimlərə ayaqqabı atdılar
- Nardaran sakini silahını polisə verdi