Zakir Həsənov cəbhədəki əməliyyatlardan danışdı
21:29 03 Aprel 2016
"Azərbaycan Silahlı Qüvvələri əməliyyat şəraitinə tam nəzarət edir və ola biləcək bütün təxribatların qarşısını almağa hazırdır".
Femida.az-ın məlumatına görə, bunu Azərbaycanın müdafiə naziri, general-polkovnik Zakir Həsənov prezident İlham Əliyevin sədrliyi ilə keçirilən Təhlükəsizlik Şurasının iclasındakı məruzəsində söyləyib. Nazir qeyd edib ki, Ermənistan silahlı bölmələri son vaxtlar cəbhə bölgəsində təxribatları artırıb, mülki əhaliyə qarşı iri çaplı silahlardan istifadə edir: “Son hadisələr göstərir ki, əhali arasında itkilər də çoxalıb. Əməliyyat şəraiti qiymətləndirilərək bu təxribatların qarşısını almaq məqsədi ilə erməni silahlı bölmələrinin atəş nöqtələrinə zərbələrin endirilməsi barədə qərar qəbul olundu. Azərbaycan Silahlı Qüvvələrinin kəşfiyyat qrupları aprelin 1-dən 2-nə keçən gecə 3 istiqamətdə tədbirlər həyata keçirib. Nəticədə Talış kəndi, Seysulan və Horadiz istiqamətində olan təpələr döyüş əməliyyatı ilə ələ keçirilib. Bu əməliyyatların əsas məqsədi erməni təxribatlarının qarşısını almaq və bizim yaşayış məntəqələrinə olan atəş zərbələrinin təsirini azaltmaqdan ibarət idi”.
Z. Həsənov qeyd edib ki, Azərbaycan Silahlı Qüvvələri düşmən mövqelərinə sarsıdıcı zərbələr endirib: “Ordumuzun endirdiyi zərbələr nəticəsində düşmənin 100-ə yaxın canlı qüvvəsi məhv edilib, bir neçə yüz nəfər yaralanıb, çoxlu sayda zirehli texnika sıradan çıxarılıb”.
Femida.az
Oxunub: 1372
Oxşar xəbərlər
- Zakir Həsənov şəxsi heyətlə iş üzrə zabitlərlə görüşüb
- Zakir Fərəcov iki məmuru işdən çıxardı
- Zakir Həsənov müşavirə keçirdi - Nazirdən tapşırıq
- Zakir Həsənov `Rembo`nu Gülhanəyə göndərdi
- Zakir Həsənov əsgər valideynləri ilə görüşdü - FOTOLAR
- Zakir Həsənov rumıniyalı həmkarı ilə görüşdü
- Zakir Həsənov tank bölmələrində olub
- Zakir Həsənov cəbhə xəttinə getdi - FOTOLAR
- Zakir Həsənov Anjey Kaspşik ilə görüşdü
- Zakir Həsənov yeni idarəetmə məntəqəsinin açılışında iştirak edib