Son xəbər: Füzuli, Tərtər, Ağdamda qızğın döyüşlər gedir

00:34     04 Aprel 2016

Cəbhədə vəziyyət yenidən gərginləşib. Belə ki, atəşkəs yenidən pozulub.

Bunu Trend-ə Müdafiə Nazirliyinin mətbuat xidmətinin rəhbəri Vaqif Dərgahlı deyib.

Onun sözlərinə görə, hazırda üç istiqamətdə - Füzuli, Tərtər, Ağdam istiqamətində döyüşlər gedir.

Qeyd edək ki, aprelin 2-nə keçən gecə və gün ərzində bütün cəbhə boyu mövqelərimiz və yaşayış məntəqələrimiz düşmən tərəfindən intensiv atəşə məruz qalıb. Bunun nəticəsində mülki əhali arasında ölən və yaralananlar olub.

Düşmənlə döyüşlərdə Silahlı Qüvvələrimizin 12 hərbi qulluqçusu şəhid olub. Erməni mövqelərinə aviasiya zərbələri zamanı əməliyyata cəlb olunan 1 ədəd Mi-24 helikopteri düşmən tərəfindən vurulub və 1 ədəd tank mina partlayışı zamanı sıradan çıxıb.

Ermənilərin isə 100-dən çox hərbçisi məhv edilib, 6 tank, 15 artilleriya qurğusu sıradan çıxarılıb. Ermənilərə mülki əhalini atəş altında saxlamağa imkan verən yüksəkliklər, o cümlədən "Lələ təpə" yüksəkliyi, Seysulan kəndi düşməndən azad edilib.

Açar sözlər:

Oxunub: 5855