Ermənilərə qarşı cinayət işi açılıb
21:17 04 Aprel 2016
Aprelin 2-dən başlayaraq Azərbaycanın işğal altında olan ərazilərində yerləşən Ermənistan hərbi hissələri Azərbaycan Silahlı Qüvvələrinin cəbhəboyu mövqelərini iriçaplı silahlar, minaatanlar, qumbaraatan və artilleriya qurğularından intensiv atəşə tutaraq qoşunların təmas xəttində təxribat törətməkdə davam edir.
Femida.az xəbər verir ki, Tərtər rayonunun cəbhəyanı zonaya yaxın bir sıra yaşayış məntəqələri, o cümlədən Azadqaraqoyunlu və Düyərli kəndləri növbəti dəfə düşmən atəşinə məruz qalıb.
Belə ki, aprelin 3-də saat 21:00 radələrində erməni silahlı qüvvələrinin artilleriya silahlarından rayonun Azadqaraqoyunlu kəndinə atılmış mərmilərdən biri ,1968-ci təvəllüdlü Rəhimov Mirzə Rəhim oğluna məxsus yaşayış evinə düşüb, aprelin 4-də saat 14 radələrində isə Düyərli kəndinə atılmış mərmilərdən 3-ü Quliyev Etibar Cəlil oğluna məxsus yaşayış evinə düşməsi nəticəsində ev tamamilə dağılıb, qonşuluqda yaşayan 1984-cü il təvəllüdlü Əliyeva Mehparə Nəbi qızı və 1976-cı il təvəllüdlü Ağayeva Kəmalə Əjdər qızı isə qəlpə yarası xəsarətləri alaraq xəstəxanaya yerləşdiriliblər.
Hər iki faktla bağlı Tərtər rayon prokurorluğunda Cinayət Məcəlləsinin müvafiq maddələri ilə cinayət işi başlanıb, istintaq aparılır.
Oxunub: 861
Oxşar xəbərlər
- Ermənilərə cinayət işi açıldı - Zəhranın ölümü ilə bağlı
- Ermənilərə işləyən hərbçilərimizi “Mossad” aşkar edib? - Nazirlikdən açıqlama
- Ermənilərə məlumat ötürən hərbçilər tutuldu - Bakıda terror planlaşdırılırmış
- Ermənilərə qan udduran yəhudi balası - Onun ad günüdür
- Ermənilərə ağır zərbə : 2 ölü - SON DƏQİQƏ
- Ermənilərə etiraz edən tələbələrimiz Şimali Kiprdə həbs edilə bilər – MƏHKƏMƏ
- Ermənilərə qan udduran qaçaq qadın: “Kişi Tavat” - ARAŞDIRMA
- Ermənilərə verilmiş torpaqlarla bağlı yeni qanun