İrəvan qarışır - Rusiya əleyhinə etirazlar başlayır
13:05 13 Aprel 2016
Bu gün Ermənistanın paytaxtı İrəvanda Rusiya əleyhinə etiraz aksiyası keçiriləcək.
Femida.az “Panarmenian.net”-ə istinadən verdiyi məlumata görə, aksiyaçılar Rusiyanın Qarabağ cəbhəsindəki son hərbi toqquşmalarda tutduğu mövqeyə və Moskvanın Bakıya silah satışını davam etdirəcəyi barədə mövqeyinə etiraz edəcəklər.
Etiraz aksiyası saat 18.30-da İrəvanın Azadlıq meydanından başlayacaqvə Rusiyanın Ermənistandakı səfirliyi qarşısında başa çatacaq. Verilən məlumata görə, etirazçılar Rusiyadan hərbi-siyasi müttəfiqliklə bağlı öhdəliklərini yerinə yetirməsini, Azərbaycana silah satışını dayandırmasını tələb edəcəklər. Yerli mətbuat bildirir ki, əgər bu tələblərə əməl olunmasa, o zaman erməni cəmiyyətində əslində Rusiyanın müttəfiq olmadığı, eyni zamanda Ermənistanın da müttəfiq kimi öhdəliklərinin qalmadığına birdəfəlik əminlik yaranacaq.
“Uzun illər boyu Rusiya Azərbaycana 5 milyard dollarlıq silah və döyüş sursatı, o cümlədən kütləvi qırğın silahlarından olan “Смерч” və ТОС-1А “Odsatan” satıb”- Ermənistan KİV-i yazıb. Yayılan xəbərlərdə deyilir ki, Rusiya Azərbaycanın başqa ölkələrdən silahlar almaması üçün bu mövqedən çıxış edir. Ancaq iddia olunur ki, ABŞ, Fransa və bir sıra digər ölkələr guya Azərbaycana silah satmaqdan imtina edib. Ermənilərin fikrincə, əslində bu cür yalançı arqumentlər törədilmiş cinayətə görə məsuliyyətdən qaçmaq üçündür.
Qeyd edək ki, Rusiya baş nazirinin müavini Dmitri Roqozin Ermənistanın tələblərinə cavab olaraq Moskvanın strateji tərəfdaşı kimi Azərbaycana silah satmaqda davam edəcəyini bildirib və bu da erməniləri qəzəbləndirib. Ermənilər Rusiyanı xəyanətdə ittiham edir, ölkənin prezidenti və müdafiə naziri də Azərbaycana silah satılmasına sərt etiraz edib ki, onların Moskva tərəfindən cəzalandırılacağı ehtimal olunur. Bəzi ekspertlərə görə, Sərkisyan xalqın özünə olan qəzəbini soyutmaq, diqqəti özündən yayındırmaq üçün etirazları Rusiyaya doğru yönəldib.
Oxunub: 4257
Oxşar xəbərlər
- `Ölüm son deyil...` - İntihar edən şairin son şeiri və FOTOLARI
- Mübahisə qanla bitdi: 32 yaşlı kişi bıçaqlandı
- Çitə, məhrək, deltaplan... - Orfoqrafiya sözlüyündə yeni sözlər
- Bəzi yerlərdə yağış, dağlıq ərazilərdə qar yağacaq
- Bakıda üçmərtəbəli bina yandı - Ev sahibi xilas edildi
- Yeni ili sərxoş qarşılayanlar... - 13 nəfər ölümdən döndü
- Türkiyə XİN: `ABŞ İrandakı hadisələri qızışdırır`
- Ruhani söz verdi: İqtisadi problemlər həll ediləcək
- Oqtay Şirəliyev: “Təbabət elmimiz zamanla ayaqlaşmır”
- Bakı sakinlərinə ŞAD XƏBƏR: Avtobuslar bu saata qədər işləyəcək