Qənirə Paşayevanın təklifi Türkiyədə dəstəkləndi

01:12 14 Aprel 2016

Millət vəkili Q.Paşayevanın Pamukkale Universitetində Azərbaycan Mərkəzi təklifini universitet rəhbərliyi dəstəkləyib.

Millət vəkili Qənirə Paşayeva Pamukkale Uiversitetinin rəhbərliyi və alimləri ilə görüşüb. Onlar millət vəkilini universitetdə salamlamaqdan məmnunluğunu ifadə edərək qardaş ölkə olan Azərbaycan ilə Türkiyə arasında bütün sahələrdə, o cümlədən təhsil sahəsində əlaqələrin getdikcə genişlənməsindən, Azərbaycanla əməkdaşlıqdan böyük məmnuniyyət duyduğuqlarını, Universitetdə təhsil alan azərbaycanlı tələbələrin hər il daha da artması üçün çalışdıqlarını deyiblər.

Millət vəkili, Dr. Qənirə Paşayeva Pamukkale universiteti ilə Azərbaycanın ali təhsil müəssisələri arasında əməkdaşlığın daha da genişlənməsinin müsbət hal olduğunu qeyd edərək, burada təhsil alan azərbaycanlı tələbələrin burada özlərini öz vətənlərindəki kimi hiss etmələri və keyfiyyətli təhsil almaları üçün yaradılan hər cür şəraitə görə təşəkkürünü bildirib və azərbaycanlı tələbələrin də öz növbəsində Universitetdə Azərbaycanı layiqincə təmsil etdiklərinə inandığını bildirib.

Millət vəkili Q.Paşayeva Universitetin rəhbərlyinə və alimlərə Azərbaycan həqiqətləri, Dağlıq Qarabağ münaqişəsi, Xocalı Soyqırımı ilə bağlı geniş məlumatlar verib, bu istiqamətdə fikir mübadiləsi aparılıb və Q.Paşayeva bu mövzularla bağlı Universitet gəncləri ilə geniş müzakirələrə, tələbələrlə bu mövzular ətrafında daha çox görüşlərə, konfranslara ehtiyac olduğunu deyib.

Millət vəkili Qənirə Paşayeva Universitetdə Azərbaycan mərkəzinin açılması təklifi ilə çıxış edib. O bildirib ki, belə bir mərkəzin olması Türk kökənli gənclərimiz üçün də, burada təhsil alan xarici tələbələrə həqiqətlərimizin daha geniş və doğru çatdırılması üçün də çox önəmlidir. Millət vəkili Qənirə Paşayeva mərkəz üçün lazım olan kitab, material, sənədli filmlərin rəhbərlik etdiyi Avrasiya Beynəlxalq Araşdırmalar İnstitutu İb tərəfindən Universitetə hədiyyə ediləcəyini də deyərək Azərbaycan mərkəzinin vacibliyi və əhəmiyyəti barədə geniş fikir mübadiləsi aparıb.

Pamukkale Universitetinin rəhbərliyi və alimləri təklifi dəstəkləyib və bu məsələyə baxılacağını bildiriblər. Görüş zamanı Azərbaycan-Türkiyə münasibətləri, bölgədə getdikcə daha da gərginləşən vəziyyət, Türk dünyasının bir sıra qanayan yaraları ətrafında söhbətlə yanaşı gənclərin təhsilə,oxumağa,öyrənməyə daha çox meyilləndirilməsinin önəmi barədə də geniş fikir mübadiləsi aparılıb. Qənirə Paşayeva Pamukkale Universiteti rəhbərliyinə,alimlərə və universitetin kitabxanasına Azərbaycan mədəniyyəti, tarixinə dair materiallar, həmçinin özünün həmmüəllifi olduğu “Karabağ hikayeleri” kitabını və digər kitablarını hədiyyə edib və onları Azərbaycana dəvət edib.

Onlar dəvəti məmnuniyyətlə qəbul edərək universitet ilə Azərbaycanın ali təhsil məktəbləri arasında əlaqələrin daha da inkişaf edəcəyini deyiblər və millət vəkili Q. Paşayevanın Denizlidə verdiyi konfransı çox önəmli hesab etdiyini deyərək onu universitetdə yaxın zamanlarda konfranslar verməyə dəvət edib. Millət vəkili dəvəti böyük məmuniyyətlə qəbul edib.

Femida.az