Natalia Quli: “Azərbaycanda tolerantlığın şahidi oldum”
17:48 13 İyun 2015
“Azərbaycanda tolerantlığın, yüksək dini, milli dözümlülüyün şahidi oldum”.
Femida.az-ın məlumatına görə, bunu Fransa senatının üzvü Natalia Quli bu gün Bakıda Mətbuat Şurasının təşkil etdiyi görüşdə bildirib. O qeyd edib ki, ötən gecə Birinci Avropa Oyunlarının açılışında Ermənistan nümayəndə heyətinin keçidinə yaradılan şərait buna misal kimi göstərilə bilər: “Bu adi məsələ deyil, iki ölkə arasında münasibətlərin gərgin olduğu vaxtda yaradılan şərait yüksək dözümlülükdən xəbər verir”.
Senat üzvünün sözlərinə görə, Azərbaycan Qərbin tərəfdaşıdır: “Azərbaycanın strateji mövqeyi bizim üçün əhəmiyyətlidir. Biz regionda Azərbaycana strateji tərəfdaş kimi böyük önəm veririk”.
Oxunub: 677
