Leyla Əliyeva körpələr evində - FOTO
18:03 30 Aprel 2016
Heydər Əliyev Fondunun vitse-prezidenti Leyla Əliyeva Daun Sindromlu Şəxslərin Reabilitasiya Mərkəzində olub.
Fonddan Femida.az-a verilən məlumata görə, daun sindromlu uşaqlarla görüşən Leyla Əliyeva Mərkəzdə yaradılmış reabilitasiya kurslarının gedişi ilə maraqlanıb.
Xatırladaq ki, 2013-cü ildən fəaliyyət göstərən Daun Sindromlu Uşaqların Reabilitasiya Mərkəzi Heydər Əliyev Fondunun təşəbbüsü ilə inşa olunub.
Mərkəzdə müxtəlif fənlər üzrə məktəbəqədər hazırlıq kursu, kompüter, loqoped, valideyn otaqları, idman zalı və üzgüçülük hovuzu, kino və teatr zalları var. Burada, həmçinin heykəltəraşlıq, xalçaçılıq, tikiş, rəsm dərnəkləri fəaliyyət göstərir.
Dərnəklər və əyləncə otaqları, hazırlıq kurslarında olan Leyla Əliyeva Mərkəzin “Dəcəllər” teatrının hazırladığı tamaşaya baxıb.
Qeyd edək ki, Heydər Əliyev Fondu yarandığı gündən sosial və səhiyyə sahəsində müxtəlif layihə və proqramlar həyata keçirir. Bu proqramların əsas məqsədi uşaqlar, o cümlədən dəstəyə ehtiyacı olan hər bir şəxsin cəmiyyətə inteqrasiyasına yardım göstərməyə yönəlib. Heydər Əliyev Fondu, həmçinin valideyn himayəsindən məhrum olan uşaqlara dəstək proqramları həyata keçirir. Bu çərçivədə davamlı və müntəzəm görülən işlər ata-ana qayğısından məhrum uşaqlar üçün ailə mühitinin yaradılmasına, uşaq evləri və internat məktəblərində uşaqların sosial qayğıları və istirahətlərinin təminatına, təhsilin yüksəldilməsinə xidmət edir.
Bu baxımdan Heydər Əliyev Fondunun əməkdaşları mütəmadi olaraq uşaq evləri və internat məktəblərində olur, artıq bir ailə kimi doğmalaşan körpələrlə, yeniyetmələrlə vaxt keçirilir. Növbəti dəfə aprelin 28-də Heydər Əliyev Fondunun vitse-prezidenti Leyla Əliyeva Nəsimi rayonunda yerləşən 1 nömrəli körpələr evində olaraq, burada tərbiyə alan körpələrə baş çəkib.
Xatırladaq ki, Nəsimi rayonundakı 1 nömrəli körpələr evi Heydər Əliyev Fondunun dəstəyi ilə əsaslı təmir edilərək, 2015-ci il mayın 10-da yenidən istifadəyə verilib. Binanın tamamilə yenilənməsi, müasir avadanlıqlarla təchiz olunması ilə yanaşı, buranın sakinləri olan körpələr Heydər Əliyev Fondunun daimi qayğısı ilə əhatə edilib.
Femida.az
Oxunub: 1481
Oxşar xəbərlər
- Leyla Əliyeva şeirlərini səsləndirdi
- Leyla Əliyevanın təşəbbüsü ilə növbəti xeyriyyə aksiyası
- Leyla Əliyeva UNİCEF-in regional direktoru ilə görüşüb
- Leyla Şıxlinskayanın işçiləri hakim qarşısında - 700 minlik yeyinti
- Leyla Şıxlinskaya barəsində cinayət işi başlanıb
- Leyla Şıxlinskayaya qarşı 30 minlik dələduzluq
- Leyla Əliyeva BMT rəsmisi ilə görüşüb
- Leyla Oruclunun ölümü ilə bağlı cinayət işinə xitam verilib
- Leyla Əliyeva uşaqlarla bir arada - FOTO
- Leyla Əliyeva uşaqları sevindirdi - FOTO