Daşnaklar da Azərbaycanı atom silahı ilə hədələyir
21:09 10 May 2016
Qarant Baqratyan nə danışdığını yaxşı bilir, o ağıllı insandır və baş nazir olub. Onun belə bəyanatlar verməsi üçün əsas var. Biz atom energetikasını inkişaf etdirən ölkəyik. Bundan artıq heç nə deməyəcəyəm, bu, hərbi sirdir.
Femida.az “1in.am” saytına istinadən xəbər verir ki, bunu Ermənistan İnqilab Federasiyası - “Daşnaksütyun”un parlament fraksiyasının rəhbəri Armen Rustamyan bildirib.
Parlamentdəki daşnakların rəhbəri sabiq baş nazirin çıxışını inkar edən erməni ictimaiyyəti və dövlət xadimlərini sərt şəkildə tənqid edərək Ermənistanın radioaktiv silah istehsalını davam etdirmək niyyətində olduğunu bildirib: “Kim bunun qadağan olunacağını və bizim artıq silah istehsal etmədiyimizi dedi?”.
Qeyd edək ki, aprelin 29-u Ermənistanın sabiq baş naziri, deputat Qrant Baqratyan bu gün keçirdiyi mətbuat konfransında ölkəsinin nüvə silahına sahib olduğunu bildirib.
Oxunub: 2262
