Ramiz Mehdiyev Qroznıda səfərdədir
17:27 24 May 2016
Azərbaycan Prezident Administrasiyasının rəhbəri Ramiz Mehdiyev Çeçenistan Respublikasının paytaxtı Qroznı şəhərində səfərdədir.
Femida.az xəbər verir ki, bu barədə Çeçenistanın səhiyyə naziri, milliyyətcə azərbaycanlı Elxan Süleymanov "İnstagram" səhifəsində məlumat yayıb.
Çeçenistanın başçısı Ramzan Kadırov isə sosial şəbəkədəki səhifəsində Qroznıda Təhlükəsizlik Şuraları ali nümayəndələrinin VII Beynəlxalq toplantısının keçirildiyini yazıb. O, toplantıda 70-dən çox ölkə nümayəndəsinin iştirak edəcəyini qeyd edib.
R. Kadırov Təhlükəsizlik Şuraları ali nümayəndələrinin VII Beynəlxalq toplantısında ekstremizm və terrorçuluğa qarşı mübarizə, regional və beynəlxalq təhlükəsizliyin təmin edilməsi, miqrasiya prosesləri və beynəlxalq informasiya təhlükəsizliyi ilə bağlı məsələlərin müzakirə olunacağını bildirib.
Toplantıda Rusiya Təhlükəsizlik Şurasının sədri Nikolay Patruşev, Rəşid Nurqaliyev, Azərbaycan Təhlükəsizlik Şurasının sədri Ramiz Mehdiyev, Azərbaycan Prezident Administrasiyasının sədr müavini Fuad Ələsgərov, Rusiya prezidentinin Şimali Qafqaz üzrə səlahiyyətli nümayəndəsi Sergey Melikov və digərləri iştirak edirlər.
Femida.az
Oxunub: 1110
Oxşar xəbərlər
- Ramiz Mehdiyev sərəncam verdi
- Ramiz Mehdiyev Rusiya Təhlükəsizlik Şurasının katibi ilə görüşüb
- Ramiz Mehdiyev sərəncam imzaladı
- Ramiz Mehdiyevin kitabı alman dilində çap olundu
- Ramiz Quliyev `Şərəf` ordeni ilə təltif edilib
- Ramiz Mehdiyev AMEA-nın ümumi yığıncağında - FOTO
- Ramiz Zöhrabov vəfat edib
- Ramiz Mehdiyev üçün özəl gün
- Ramiz Mehdiyevin kitabı Moskvada nəşr edilib
- Ramiz Mehdiyev Tədbirlər Planını təsdiqlədi