Rusiyaya qarşı aksiyalar genişləndi - Ermənistanda
02:42 22 İyun 2015
Ermənistanda üç gündür ki, Rusiya əleyhinə etiraz aksiyaları davam edir.
Paytaxt İrəvan və ölkənin digər iri şəhərlərində ilkin olaraq elektrik enerjisi tariflərinin qaldırılmasına etiraz edən əhali, hazırda Rusiya əleyhinə digər şüarlar da səsləndirməyə başlayıblar.
Şəhər meydanlarına toplaşan yerli əhali Rusiyanın Ermənistan ərazisində olan çoxsaylı sülhməramlı bazalarını "işğal" adlandırıblar. Ermənilər həmçinin Rusiyanın atom stansiyası, dəmir yolları, bir neçə elektrik stansiyası və digər strateji mühüm obyektlərə nəzarət etməsinin də "işğal" olduğunu hesab edirlər.
Küçələrə çıxan insanlar əllərində "Biz erməniyik, öz ölkəmizin sahibi!" şüarının yazıldığı plakatlar tutublar.
Hazırda İrəvanın Azadlıq meydanına bir neçə min insan toplaşıb. Paytaxta gedən yollar bağlanıb, polis postları quraşdırılıb və insanlar paytaxta buraxılmırlar.
Etirazçılar iyunun 22-də tariflərin azaldılması, rusların nəzarətində olan müəssisələrin milliləşdirilməsi və Rusiya qoşunlarının Ermənistandan çıxarılması tələbi ilə prezident iqamətgahına doğru irəliləyəcəklər.
Qeyd edək ki, Ermənistanda elektrik şəbəkələri Rusiyaya məxsus şirkətlərin nəzarətindədir. Elektrik enerjisi qiymətləri son 2,5 il ərzində artıq üçüncü dəfədir ki, qaldırılır.
Oxunub: 1070
Oxşar xəbərlər
- Rusiyaya getmək istəyənlərin nəzərinə
- Rusiyaya aparılan 33 ton pomidorun idxalına niyə icazə verilməyib?
- Rusiyaya işləməyə gedən azərbaycanlının meyiti tapıldı
- Rusiyaya qarşı sanksiyaların vaxtı uzadıldı
- Rusiyaya görə vəzifədən uzaqlaşdırıldım - Komi
- Rusiyaya pomidor ixracında problem yoxdur
- Rusiyaya mal aparanların nəzərinə - Sərhəddə hərəkət məhdudlaşdırılır
- Rusiyaya qarşı sanksiyalar qüvvədə qalacaq
- Rusiyaya meteorit düşüb
- Rusiyaya qarşı sanksiyalar genişləndirilir