Əcnəbi alimlər Quba Soyqırımı abidəsini ziyarət ediblər
21:33 29 İyun 2016
Bakıda “Erməni terroru və Azərbaycan multikulturalizmi” mövzusunda keçirilən "dəyirmi masa"nın iştirakçıları bu gün Quba Soyqırımı Memorial Kompleksini və ərazidəki kütləvi məzarlığı ziyarət ediblər.
Femida.az-ın verdiyi məlumata görə, ABŞ-ın Tennesi Texnologiyalar Universitetinin sosiologiya və siyasi elmlər fakültəsinin professoru Maykl Günter, fransalı tədqiqatçı İv Benar və digər elm adamları Quba Soyqırımı Memorial Kompleksi ilə tanış olublar.
Quba Soyqırımı Memorial Kompleksi ilə tanışlıqdan sonra ziyarətçilər xatirə kitabına ürək sözlərini yazıblar.
Sonra ziyarətçilərə Quba kütləvi məzarlığı barədə ətraflı məlumat verilib. Fransalı tədqiqatçı İv Benar məzarlıqda gördüklərindən dəhşətə gəldiyini bildirib: “Mən burada gördüklərimdən sonra çox təəssüflənirəm ki, Fransada hələ də erməniləri dəstəkləyənlər var. Dəhşətli mənzərədir. Bu məzarlıq haqqında faktlara yeni araşdırmalarımda yer ayıracağam və əlimdən gələni edəcəyəm ki, həqiqətləri dünya ictimaiyyətinin diqqətinə çatdırım”.
M. Günter isə bildirib ki, erməni elm adamları da bura dəvət olunmalı və faktlarla yerində tanış olmalıdırlar.
Qeyd edək ki, “Erməni terroru və Azərbaycan multikulturalizmi” mövzusunda birinci beynəlxalq "dəyirmi masa" Bakı Beynəlxalq Multikulturalizm Mərkəzi, Azərbaycan Milli Elmlər Akademiyası, Prezident yanında Bilik Fondu, Dini Qurumlarla İş üzrə Dövlət Komitəsi, Prezident yanında Elmin İnkişafına Dəstək Fondu, Diasporla İş üzrə Dövlət Komitəsi və Müəllif Hüquqları Agentliyinin birgə təşkilatçılığı ilə “Terror multikulturalizmə qarşı” layihəsi çərçivəsində keçirilib.
Oxunub: 1583
Oxşar xəbərlər
- Əcnəbilərin qeydiyyat qaydaları dəyişdirildi
- Əcnəbilərin Azərbaycanda qeydiyyata alınma proseduru sadələşdirilir
- Əcnəbilərə vətəndaşlıq verilməsi sadələşdirilir
- Əcnəbilərin Azərbaycanda elmi dərəcə alması qaydaları dəyişdirilir
- Əcnəbi turistlərə hücum olub
- Əcnəbilərin cibindən pul oğurlayan qadın saxlanılıb
- Əcnəbilər Azərbaycandan 6 uşaq övladlığa götürüb
- Əcnəbilərin Azərbaycanı tərk etməsi ilə bağlı YENİ ŞƏRTLƏR
- Əcnəbilərin ölkəni tərk etməsi ilə bağlı YENİ ŞƏRTLƏR
- Əcnəbilərə torpaq satılmayacaq