AMEA-nın strukturu dəyişdirildi
21:36 10 Avqust 2016
Nazirlər Kabineti “Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı”nda dəyişikliklər edib.
Femida.az-ın məlumatına görə, dəyişikliyə əsasən AMEA-da Humanitar və İctimai elmlər bölməsinin ayrılması rəsmiləşib.
N. Gəncəvi adına Ədəbiyyat İnstitutu, Nəsimi adına Dilçilik İnstitutu, Folklor İnstitutu, Memarlıq və İncəsənət İnstitutu, M.Füzuli adına Əlyazmalar İnstitutu Humanitar elmlər bölməsinə, A.Bakıxanov adına Tarix İnstitutu, Arxeologiya və Etnoqrafiya İnstitutu, Fəlsəfə İnstitutu, Hüquq və İnsan Haqları İnstitutu, İqtisadiyyat İnstitutu, Akademik Z.Bünyadov adına Şərqşünaslıq İnstitutu, Milli Azərbaycan Tarixi Muzeyi, N.Gəncəvi adına Milli Azərbaycan Ədəbiyyatı Muzeyi İctimai elmlər bölməsinə daxil edilib.
Qeyd edək ki, hazırda AMEA-nın strukturunda Gəncəvi adına Milli Azərbaycan Ədəbiyyatı Muzeyi Humanitar bölmədə yer alıb. Başqa sözlə, AMEA Rəyasət Heyəti AMEA-da Humanitar və İctimai elmlər bölməsinin ayrılması ilə əlaqədar N.Gəncəvi adına Milli Azərbaycan Ədəbiyyatı Muzeyini Humanitar elmlər bölməsinə daxil etsə də, Nazirlər Kabineti fərqli qərar verib. Bu Muzey İctimai elmlər bölməsinə daxil edilib.
Femida.az
Oxunub: 980
Oxşar xəbərlər
- AMEA-nın bu muzeyinə giriş pullu oldu
- AMEA-nın magistraturasına qəbul olanların nəzərinə!
- AMEA-nın Nizamnaməsində dəyişikliklər edilib
- AMEA-nın işçilərinə ev verildi
- AMEA-nın magistrantlarına təqaüd veriləcək
- AMEA-nın elmi ekspedisiyalarının səlahiyyətləri müəyyənləşdirilib
- AMEA-nın keçmiş əməkdaşına hökm oxunub
- AMEA-nın institutunun adı dəyişdirildi – Sərəncam
- AMEA-nın Ümumi yığıncağı keçirilir
- AMEA-nın Alimlər Evi açıldı