Oğru aləminin “Qara Rəhilə“sindən - Xəbər var

17:21     06 İyul 2015

Cibgirlikdə təqsirləndirilən ailənin cinayət işi ibtidai istintaqa qaytarılıb.

Bakı Ağır Cinayətlər Məhkəməsində cibgirliklə məşğul olmaqda təqsirləndirilən Rəhilə İsmayılova, onun ailə üzvləri - Məleykə Şamilova, Nətavan Şamilova, Mətanət Şamilova və Məcid Şamilovun cinayət işi üzrə məhkəmənin hazırlıq iclası davam etdirilib.

İclasda cinayət işinin yenidən ibtidai istintaqa qaytarılması barədə qərar qəbul edilib. Hakimlər bildirib ki, ittiham aktı düzgün hazırlanmayıb.

Qeyd edək ki, ittiham aktına görə, təqsirləndirilən şəxslərin üzərilərinə baxış keçirilərkən Məcid Şamilovdan 3,75 qram, Rəhilə İsmayılovadan isə 3,93 qram həşiş qətranı aşkar olunaraq götürülüb. Araşdırmalar zamanı məlum olub ki, onlar avtobusda Gülüzə Abışovanın içərisində 40 manat və 6 ədəd bankomat kartı olan pul kisəsini əl çantasından oğurlayıblar. Təqsirləndirilən Rahilə İsmayılova Sumqayıt və Bakıda çoxsaylı oğurluq və cibgirlik əməllərində şübhəli bilinir. O, kriminal aləmdə “Qara Rahilə” kimi tanınır./apa/

Açar sözlər:

Oxunub: 2370