Məzahir Pənahov ABŞ səfiri ilə görüşüb
18:20 21 Sentyabr 2016
Bu gün Mərkəzi Seçki Komissiyasının sədri Məzahir Pənahov ABŞ-ın Azərbaycandakı səfiri Robert Sekuta ilə görüşüb.
MSK Katibliyinin media və ictimai əlaqələr şöbəsindən Femida.az-a verilən məlumata görə, R. Sekuta MSK ilə sıx əməkdaşlıqdan məmnunluğunu bildirib, 26 sentyabrda keçiriləcək ümumxalq səsverməsinə (referenduma) hazırlıqla bağlı görülmüş işlərlə maraqlanıb.
M. Pənahov qeyd edib ki, MSK beynəlxalq qurumlarla əməkdaşlığa hər zaman açıqdır və bu münasibətlər seçki və referendum praktikasının daha da təkmilləşdirilərək hazırkı inkişaf səviyyəsinə çatmasında, əldə olunan nailiyyətlərdə əhəmiyyətli rol oynayır. MSK sədri referendumun yüksək səviyyədə təşkil olunması, azad, ədalətli və şəffaf keçirilməsi üçün Azərbaycanda hər cür şəraitin və demokratik mühitin olduğunu vurğulayıb.
Görüşdə qarşılıqlı maraq doğuran məsələlər və müxtəlif sahələrdə qurumlar arasındakı əməkdaşlığın mümkün perspektivləri ətrafında fikir mübadiləsi aparılıb.
Femida.az
Oxunub: 977
Oxşar xəbərlər
- Məzahir Pənahov Rusiyada səfərdədir
- Məzahir Pənahovdan siyasi partiyalara - Xəbərdarlıq
- Məzahir Pənahov seçkilərə görə ABŞ-dadır
- Məzahir Pənahov Avstriyada - Gündəm seçkilərdir
- Məzahir Pənahovdan sosial şəbəkə istifadəçilərinə MÜRACİƏT
- Məzahir Pənahov müşahidəçilərlə görüşüb
- Məzahir Pənahov AŞPA nümayəndəsi ilə görüşüb
- Məzahir Pənahov sədr müavini ilə görüşüb
- Məzahir Pənahov Sekuta ilə görüşüb
- Məzahir Pənahov rəsmi səfərə getdi - Avstriyaya