Ermənistanı ağır böhran bürüyür
02:10 11 İyul 2015
Gələn il Ermənistan hökuməti təqribən 909 milyon dollardan çox borc götürmək niyyətindədir.
Femida.az-ın məlumatına görə, bunu hökumətə yaxın mənbələr bildirib.
"Aykakan jamanak" qəzeti yazıb ki, Ermənistan hökumətinin növbəti ildə götürəcəyi borcu ictimaiyyətdən gizlədir və sirr kimi saxlamağa çalışır. Amma çox güman ki, borc Rusiyadan alınacaq. Hətta bu məsələ hökumət tərəfindən təqdim edilmiş "2016-2018-ci ildə orta müddətli xərcləri Proqramı"na salınıb.
Bununla 2016-cı ilin əvvəlində Ermənistanın dövlət borcu 1 trl 999 milyon dram (4.2 milyard dollar) təşkil edəcək. Həmin ilin sonunda isə bu göstərici 2 trilyon 431 milyard drama (5.1 milyard dollar) çatacaq. Yaranmış fərq 432 milyard dram olacaq ki, bu da indiki kursla ilə götürüldükdə 909 milyon dollar təşkil edir.
Ermənistanın iqtisadi tənəzzül göstəricisi
Qəzet sonda yazır: "Ermənistanın dövlət büdcəsində bu ilin sonunda xarici borc 4,2 milyard dollar müəyyənləşdirilib. Lakin maliyyə nazirinin müavini Atom Janjuqazyan bildirib ki, bu ilin sonunda dövlət borcu 4,9 milyard dollar ətrafında olacaq. Biz bura 909 milyon dolları da əlavə etsək, fantastik rəqəm alınacaq. Beləliklə, hökumət tərəfindən proqnozlaşdırılan dövlət borcu 5,1 milyard dollar deyil, 5,8 milyard dollar təşkil edəcək."
Bir sözlə, Ermənistanı rəsmi fəlakət gözləyir. Ölkədə növbəti ildə dövlət borcu dəfələrlə artacaq, reallıq daha amansız olacaq. Çünki dövlət borcu hökumətin proqnozlaşdırdığından daha sürətli şəkildə artır. Xalq isə meydanlara çıxaraq həyəcan təbili çalır.
Serj Sarkisyan iqtidarı isə Rusiyadan yardım almaq üçün prezident Vladimir Putinə yalvarmağa başlayıb.
Ermənistanın Milli Statistika Xidmətinin "Ermənistanın sosial siması və kasıblıq” adlı tədqiqatında 2014-cü ildə ölkə əhalisinin 1/4-nin kasıblıq həddində yaşadığı göstərilir. Bu, 2008-ci il göstəricilərindən hədindən artıq çoxdur. Araşdırmanın nəticələrinə görə, istehlak kateqoriyası ilə müqayisədə 2008-ci ildə kasıblıq 27,6 faiz olsa da, 2014-cü ildə 34 faizə qədər yüksəlib. Kasıblıq həddində olan təbəqədə 1,5 faiz, çox kasıb həddində olanlarda isə 1 faiz artım müşahidə edilib. Əhalinin hər üç nəfərindən biri (33 faizi) kasıb sayılır. Onlardan13,5 faizi kasıblıq həddinin altında, 3 faizdən çoxu isə çox kasıb vəziyyətdədir.
Oxunub: 753
Oxşar xəbərlər
- Ermənistanı ağır il gözləyir
- Ermənistanı etiraz aksiyaları bürüyür
- Ermənistanın 2 hərbi qulluqçusu döyüş postunda yaralandı
- Ermənistanın 3 hərbi qulluqçusu fərarilik edib
- Ermənistanın baş naziri İrana gedir
- Ermənistanın dövlət borcu rekord həddə çatıb
- Ermənistanın əməlləri Xristian dininə ziddir - XİN
- Ermənistanın müdafiə naziri Çinə Rusiyanı şantaj etmək üçün gedib - VİDEO
- Ermənistanın baş sinoptiki Bakıya qarğış etdi
- Ermənistanın `beynəlxalq konfrans` oyununa ETİRAZ