Belə leysan Bakıya 36 il əvvəl yağmışdı...


17:51     29 Sentyabr 2016 leysan1.jpg

Sentyabrın 28-də Bakı və Abşeron yarmadasında aylıq normadan 5 dəfə artıq yağınıntı düşüb.


Bu barədə Femida.az-a Ekologiya və Təbii Sərvətlər Nazirliyi (ETSN) Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Bayramova bildirib.

Onun sözlərinə görə, axşam saatlarından etibarən Bakı və Abşeron yarmadasında yağış intensivləşib. Bakı Avtomat Stansiyasına düşən yağıntının miqdarı 65 mm-dir, bu, aylıq normanın 371 faizi deməkdir.

Bakıya düşən yağıntının miqdarı 47 mm, aylıq normanın 273 faizini təşkil edir. Sumqayıta 33 mm, Zabratda 29 mm, Neft daşlarında 127 mm, Bayıl yamacına 23 mm, Çilov adasına 20 mm, Ələtə 18 mm yağıntı düşüb

G. Məmmədova qeyd edib ki, bu, Bakı üçün 1980-ci ildən indiyədək qeyd alınan ən yüksək göstəricidr. Həmin il sentyabrın 21-də Bakıya 46 mm yağıntı düşüb.

Femida.az

Açar sözlər:

Oxunub: 1912