Cahangir Hacıyevin bacanağı həbsdə qaldı
14:15 26 Noyabr 2016
Bakı Apellyasiya Məhkəməsində “Azərbaycan Beynəlxalq Bankı" ASC-dən kredit götürərək qaytarmamaqda günahlandırılan və mənimsəmədə təqsirləndirilən “İntertabakko” Zaqatala Tütün Emalı Zavodunun sabiq direktoru İsmayıl Timuçinoviç Hidayət-Zadənin barəsində olan hökmdən verilən apellyasiya şikayəti üzrə məhkəmə prosesi başa çatıb.
Femida.az `Report`a istinadən bildirir ki, hakim Faiq Qasımovun sədrliyi ilə keçirilən prosesdə qərar elan olunub.
Qərara əsasən, İ.Hidayət-Zadənin apellyasiya şikayəti təmin edilməyib, birinci istnasiya məhkəməsinin çıxardığı hökm dəyişdirilmədən qüvvədə saxlanılıb.
Qeyd edək ki, İ.Hidayət-Zadə 2015-ci ildə Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin (BMCMİ) əməkdaşları tərəfindən saxlanılıb.
“İntertabakko” Zaqatala Tütün Emalı Zavodunun sabiq direktoru olmuş İ.Hidayət-Zadə "Azərbaycan Beynəlxalq Bankı" ASC-dən 100 milyon dollar kredit götürərək qaytarmamaqda ittiham olunur. Onun barəsində Nərimanov Rayon Məhkəməsinin qərarı ilə həbs qətimkan tədbiri seçilib.
İ.Hidayət-Zadə Cinayət Məcəlləsinin 179.3.2-ci (mənimsəmə, külli miqdarda törədildikdə) maddəsi ilə ittiham olunub.
Bakı Ağır Cinayətlər Məhkəməsinin hökmü ilə o, 7 il müddətinə azadlıqdan məhrum edilib. Hökmdən narazı qalan İ.Hidayət-Zadə apellyasiya şikayəti verib.
Xatırladaq ki, İ.Hidayət-Zadə "Azərbaycan Beynəlxalq Bankı" ASC-nin keçmiş sədri Cahangir Hacıyevin bacanağıdır.
Femida.az
Oxunub: 1255
Oxşar xəbərlər
- Cahangir Hacıyevin şikayəti təmin olunmayıb
- Cahangir Hacıyevlə bağlı qərar sabah elan olunacaq
- Cahangir Hacıyevin məhkəməsi təxirə salınıdı
- Cahangir Məmmədli vəzifədən getdi
- Cahangir Hacıyevin şikayəti rədd edildi
- Cahangir Əsgərov yenə prezident seçildi
- Cahangir Hacıyev Ali Məhkəməyə müraciət edib
- Cahangir Hacıyevin məhkəməsi olub
- Cahangir Hacıyev Baş Prokurorluğu məhkəməyə verdi
- Cahangir Hacıyevin apellyasiya şikayəti icraata verilib