Azərbaycanlıların ən çox səfər etdiyi şəhərlər - Siyahı
19:29 07 Dekabr 2016
Bu ilin noyabrında Heydər Əliyev Beynəlxalq Hava Limanı 231 mindən çox sərnişinə xidmət göstərib ki, bu da ötən ilin müvafiq dövrü ilə müqayisədə 23% çoxdur.
Femida.az “Azərbaycan Hava Yolları”na (AZAL) istinadən xəbər verir ki, ümumilikdə, 2016-cı ilin 11 ayı ərzində Bakı hava limanı təxminən 3 milyon sərnişinə xidmət göstərib.
1,8 milyon sərnişin AZAL aviaşirkətinə üstünlük verib ki, onlardan 500 min nəfəri “Azərbaycan Hava Yolları”nın Naxçıvan və Gəncəyə daxili uçuşları ilə daşınıb. Bu, hava limanının ümumi sərnişin dövriyyəsinin 16%-ni və ya AZAL-ın sərnişin daşımalarının 27%-ni təşkil edir.
Bu müddət ərzində yük terminalları vasitəsilə 14,5 min ton yük daşınıb.
Beynəlxalq istiqamətlər üzrə ən çox tələbat əvvəlki kimi Bakıdan İstanbula, Moskvaya, Dubaya və Kiyevə olub. Yanvar-noyabr aylarının yekunlarına əsasən, bu istiqamətlər üzrə 1,38 milyon sərnişin daşınıb.
2016-cı ildə “Iraqi Airways”, “Fly Baghdad”, “ATA Airlines”, “Air Cairo”, “Mahan Air”, “Komaviatrans” aviaşirkətləri və Rusiyanın “Pobeda” lou-kosteri Azərbaycana uçuşlara başlayıb.
Heydər Əliyev Beynəlxalq Hava Limanının yeni aerovağzal kompleksi (Terminal 1) 2014-cü ilin aprel ayında istifadəyə verilib. Onun ümumi sahəsi 65 min kvadratmetr təşkil edir.
Dünyada müxtəlif aviaşirkətlər və hava limanları tərəfindən göstərilən xidmətlərin keyfiyyətinin öyrənilməsi üzrə ixtisaslaşan Böyük Britaniyanın nüfuzlu konsaltinq şirkəti “Skytrax” tərəfindən Heydər Əliyev Beynəlxalq Hava Limanı 4 ulduza layiq görülüb.
Femida.az
Oxunub: 3079
Oxşar xəbərlər
- Azərbaycanlıların reaksiyası yekdil deyil - Ekspertdən İran hadisələrinə ŞƏRH
- Azərbaycanlıların Ermənistandan deportasiyasından 29 il ötür
- Azərbaycanlıların yaşadığı qəsəbədə xüsusi əməliyyat - Gürcüstanda
- Azərbaycanlıların yaşadığı qəsəbə ilə bağlı qərar verildi
- Azərbaycanlıların yaşadığı qəsəbədə xüsusi əməliyyat keçirildi
- Azərbaycanlıların problemi Gürcüstan parlamentində
- Azərbaycanlıların yaşadığı bölgədə təhlükəli virus aşkar edilib
- Azərbaycanlıların oğurlanması ilə bağlı cinayət işi açıldı
- Azərbaycanlıların 85 faizi döyüşməyə hazırdır - SORĞU
- Azərbaycanlıların həbsi ilə bağlı Gürcüstandan açıqlama