Əflatun Amaşov mətbuata xəbərdarlıq etdi
22:49 25 İyul 2015
“Dünəndən etibarən Ermənistan və Azərbaycan qoşunlarının təmas xəttində intensiv döyüşlərin getdiyinə dair xəbərlər yayılmaqdadır. Cəmiyyətin cəbhədə baş verənlərə marağının böyük olması təbiidir. Medianın da buna adekvat fəaliyyət göstərmək istəyi qəbul ediləndir. Ancaq cəmiyyətin cəbhə xəbərlərinə həssaslığını nəzərə alsaq, mövzuya tam peşəkar şəkildə yanaşılması mütləqdir”.
Femida.az-ın məlumatına görə, bu fikirləri Azərbaycan Mətbuat Şurasının sədri Əflatun Amaşov bildirib.
Ə. Amaşovun bildirdiyinə görə, qurum belə qənaətdədir ki, cəbhədə baş verənlərin ictimaiyyətə çatdırılmasında medianın operativliyi nə qədər vacibdirsə, onun dəqiqliyi və obyektivliyi bir o qədər zəruridir: “Həssas fəaliyyət jurnalistin təkcə peşə etikasına riayyət etməsi deyil, eyni zamanda onun Azərbaycan Respublikasının qanunvericiliyi ilə ziddiyyət təşkil edə bilməsi mümkün olan məqamlardan uzaq durmasıdır. Hər iki halda o, cəmiyyətin mənafe və maraqlarının keşiyində dayanır və səngərdəki əsgərdən heç də az iş görmür.
Azərbaycan mediasının özünütənzimləmə qurumu olan Azərbaycan Mətbuat Şurasının sədri kimi cəbhədən xəbərlər yayan jurnalistləri, həmçinin ayrı-ayrı kütləvi informasiya vasitələrini, o cümlədən xəbər saytlarını bir daha həssas olmağa çağırırıam. Düşünürəm ki, onların həssas münasibəti ilk növbədə peşəkarlıqlarını ortaya qoyacaq. Hazırkı durumda belə fəaliyyətin yolu faktları müvafiq dövlət qurumu – Azərbaycan Respublikasının Müdafiə Nazirliyi ilə dəqiqləşdirməkdən, rəsmi təsdiqi olmayan məlumatları yaymamaqdan keçir. Unutmayaq ki, mahiyyətinin pozitivliyi və neqativliyindən asılı olmayaraq dövriyyəyə buraxılan məlumatların Azərbaycanın milli maraqları ilə ziddiyyət təşkil etməsi mümkündür”,– Ə. Amaşov vurğulayıb.
Oxunub: 1250
Oxşar xəbərlər
- Əflatun Amaşov onlayn mediaya pul ayrılmasını təklif etdi
- Əflatun Amaşovdan Mariya Zaxarovaya ETİRAZ
- Əflatun Amaşova “Şöhrət” ordeni verildi
- Əflatun Amaşov Gürcüstana gedir
- Əflatun Amaşov Gürcüstan parlamentinin sədr müavini ilə görüşüb
- Əflatun Amaşov Saatlıda görüşlər keçirib
- Əflatun Amaşov Jurnalistka fakültəsində
- Əflatun Amaşov KİV-ə xəbərdarlıq etdi
- Əflatun Amaşova yeni vəzifə verilir
- Əflatun Amaşov hesabat verdi