Bakıdakı faciəvi qəzanın VİDEOGÖRÜNTÜSÜ
20:21 11 Yanvar 2017
Bakıda avtobusun iştirakı baş verən yol qəzasının videogörüntüsü yayılıb.
“BakuBus”un mətbuat xidmətindən bildirilib ki, yanvarın 9-da Binəqədi rayonunun C. Xəndan küçəsində “BakuBus”a məxsus 6 saylı marşrut avtobusu ilə vətəndaşa məxsus avtomobilin toqquşması nəticəsində baş vermiş yol hərəkəti qəzası ilə bağlı bir sıra mətbuat orqanlarında reallıqdan uzaq, gerçəkliyi əks etdirməyən məlumatlar yer alıb: “Hətta bəzi saytlar hadisə ilə bağlı hüquq-mühafizə orqanlarının araşdırmasını gözləmədən nəticə çıxararaq, "BakuBus"-ın avtobusu ağır qəza törətdi” başlıqlı yazılarla avtobus sürücüsünü, daşıyıcı şirkət olaraq “BakuBus”-ı ittiham edib, ictimaiyyətdə hadisə ilə bağlı məqsədyönlü olaraq yanlış rəy formalaşdırmağa cəhd edib”.
Şirkət yayılan məlumatların gerçəkliyə uyğun olmadığını göstərmək üçün hadisənin görüntüsünü də APA-ya təqdim edib: “Eyni zamanda “BakuBus” olaraq bu saytlardan həqiqətə uyğun olmayan, uydurma məlumatları yaydığı üçün həmin məlumatların təkzib edilməsini və bir daha bu kimi reallıqdan uzaq məlumatların yayılmasından qətiyyətlə imtina etməsini tövsiyə edirik. Xatırladırıq ki, Cinayət Məcəlləsinin 147-ci maddəsi ilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında yayma cinayət məsuliyyəti yaradır”.
Qeyd edək ki, qəza yanvarın 9-da 8-ci mikrorayon, Cəfər Xəndan küçəsində qeydə alınıb. Bakı şəhər sakini, 1967-ci il təvəllüdlü Sevda İsmayılova idarə etdiyi “Nissan Qasqai” markalı maşınla yolun əks hərəkət istiqamətinə çıxaraq “BakuBus”-a məxsus 6 saylı marşrut xətti ilə hərəkət edən “İveco” markalı, 99 JH 118 dövlət nömrə nişanlı sərnişin avtobusu ilə toqquşub.
Nəticədə qadın sürücü ölüb.
Femida.az
Oxunub: 3558
Oxşar xəbərlər
- Bakıdakı ən böyük qəbiristanlıq doldu
- Bakıdakı toz dumanı ilə bağlı RƏSMİ AÇIQLAMA
- Bakıdakı yanğında 15 nəfər xilas edilib
- Bakıdakı gecə klubunda qız döyülüb
- Bakıdakı bu ziyarətgah dövlət qeydiyyatından çıxarıldı
- Bakıdakı yanğında 5 nəfər zəhərlənib - RƏSMİ
- Bakıdakı atışma ilə bağlı - Son açıqlama
- Bakıdakı avtobuslarla bağlı yenilik - FOTOLAR
- Bakıdakı vergi ödəyiciləri ilə görüş keçirilib
- Bakıdakı küçələrdən biri bağlanır